Lao: ໄຄ້, ໄຄ້ຂາວ, ໄຄ້ງິວ Thai: ສະນຸ່ນ Eng: Indian Willow

Pleiarina tetrasperma (Roxb.) N. Chao & G.T. Gong

Salicaceae

ຕົ້ນໄຄ້ຈັດເປັນໄມ້ຢືນຕົ້ນຂະໜາດກາງ, ປ່ຽນໃບໄລຍະສັ້ນກ່ອນອອກດອກ, ມີຄວາມສູງ 5-10 ແມັດ, ລໍາຕົ້ນດ່ຽວຕັ້ງຊື່ເນື້ອອ່ອນ, ເປືອກຕົ້ນໜາເປັນສີນໍ້າຕານເທົາ ຫຼື ສີເມົາເຂັ້ມ, ມີຮອຍແຕກຕາມລວງຍາວ, ຍອດອ່ອນມີຂົນສີນໍ້າເງິນຂຶ້ນຢູ່ໜາແໜ້ນ. ໃບເປັນໃບດ່ຽວ, ອອກລຽງສະລັບ, ລັກສະນະຂອງໃບເປັນຮູບຮີ ຫຼື ຮູບໃບຫອກ, ປາຍໃບແຫຼມ, ກົກໃບມົນ, ໃບກວ້າງ 2-3 ຊັງຕິແມັດ ແລະ ຍາວ 5-10 ຊັງຕິແມັດ, ໃບແກ່ໜາກ້ຽງ ຫຼື ມີຂົນໜາແໜ້ນ. ອອກດອກເປັນຊໍ່ນ້ອຍໆໂດຍຈະອອກຕາມງ່າມໃບ ຫຼື ປາຍກິ່ງຂ້າງສັ້ນໆ, ຊໍ່ດອກຫ້ອຍລົງແບບຫາງກະຮອກ, ດອກເປັນສີຂາວ ຫຼື ສີເຫຼືອງອ່ອນ, ດອກແບບແຍກເພດ ແລະ ຢູ່ຄົນລະຕົ້ນ, ດອກຍ່ອຍບໍ່ມີກາບດອກ. ໝາກເປັນໝາກແຫ້ງແຕກໄດ້, ໝາກເປັນສີນໍ້າຕານອ່ອນ ຫຼື ສີອອກເທົາ, ແຕກໄດ້ເປັນ 2 ພູ, ພາຍໃນມີແກ່ນຂະໜາດນ້ອຍ 4-6 ແກ່ນ, ປາຍດ້ານເທິງມີແຜງຂົນສີຂາວເປັນປຸຍ, ສາມາດປິວໄປຕາມລົມເພື່ອກະຈາຍພັນໄດ້.

N/A

N/A

N/A

N/A

N/A

ພືດເປັນຢາ

ປະໂຫຍດ ແລະ ສັບພະຄຸນ:
   - ຮາກມີລົດເຢັນໃຊ້ຕົ້ມດື່ມເປັນຢາຊ່ວຍໃຫ້ຈະເລີນອາຫານ.
   - ເປືອກຕົນມີສັບພະຄຸນເປັນຢາບໍາລຸງຫົວໃຈ, ຊ່ວຍເຮັດໃຫ້ຫົວໃຈເຕັ້ນແຮງ.
   - ໃບນໍາມາຄັ້ນເອົານໍ້າແລ້ວນໍາມາທາ, ພອກ ແກ້ແຜເປືອຍ.
   - ເປືອກຕົ້ນໃຊ້ຮັກສາພະຍາດລິດສີດວງດັງ.
   - ເປືອກຕົ້ນນໍາມາຕົ້ມກັບນໍ້າດື່ມເປັນຢາຮັກສາພະຍາດເບົາຫວານ.
   - ຮາກໃຊ້ຕົ້ມກັບນໍ້າດື່ມເປັນຢາແກ້ຕັບພິການ.

N/A

N/A

N/A

N/A

Medthai. 2017. ສະນຸ່ນ ສັບພະຄຸນ ແລະ ປະໂຫຍດຂອງຕົ້ນສະນຸ່ມ 14 ຂໍ້.
ກົມອຸທະຍານແຫ່ງຊາດສັດປ່າ ແລະ ພັນພືດ. 2012. ຄູ່ມືເລືອກພັນໄມ້ເພື່ອປູກປ່າປ້ອງກັນອຸທົກກະໄພ. ກະຊວງຊັບພະຍາກອນ ແລະ ສິ່ງແວດລ້ອມ. ປະເທດໄທ. ໜ້າ 58.
Prashith Kekuda TR, Vinayaka KS and Praveen Kumar SK. 2017. Antimicrobial activity of Salix tetrasperma Roxb. (Salicaceae). International Journal of Herbal Medicine. Pages 192-195. E-ISSN: 2321-2187 P-ISSN: 2394-0514.
R. Naga Kishore, T.Mangilal, N.Anjaneyulu, G.Abhinayani and N.Sravya. 2014. INVESTIGATION OF ANTI-INFLAMMATORY AND INVITRO ANTIOXIDANT ACTIVITIES OF HYDROALCOHOLIC EXTRACT OF BARK OF SALIX TETRASPERMA ROXB. International Journal of Pharmaceutics and Druy Analysis. Volume 2. ISSN 2348-8948.
Eman A. El-Wakil, El-Sayed S. Abdel-Hameed, Mortada M. El-Sayed and Ezzat E. Abdel-Lateef. 2015. Identification of the chemical composition of the methanolic extract of Salix tetrasperma Roxb. using LC-ESI-MS and evaluation its potential as antioxidant agent. Scholars Research Library. ISSN 0975-413X.
Assem El-Shazly, Afaf El-Sayed and Eman Fikrey. 2012. Bioactive Secondary Metabolites from Salix tetrasperma Roxb. Chemistry and Biology of Salix tetrasperma.