Thai: ປໍພານ Vietnam: Bồ an; Chum rong; Tong long; Giay

Diplophractum auriculatum Desf.

Malvaceae

ຕົ້ນປໍພານຈັດເປັນພັນໄມ້ຟຸ່ມ, ມີຄວາມສູງ 1-2 ມ, ເປືອກຕົ້ນລຽບເປັນສີນໍ້າຕານປົນເທົາ, ທຸກສ່ວນມີຂົນຂຶ້ນປົກຄຸມ. ໃບເປັນໃບດ່ຽວອອກລຽງສະລັບກັນ, ລັກສະນະຂອງໃບເປັນຮູບຂອບຂະໜານ ຫຼື ຮູບໄຂ່ກັບແກມຮູບຂອບຂະໜານ, ປາຍໃບແຫຼມ, ກົກໃບບ້ຽວ ແລະ ເປັນຮູບຕິ່ງຫູ, ສ່ວນຂອບໃບຫຍັກເປັນແຂ້ວເລື່ອຍຊ້ອນກັນສອງຊັ້ນ, ໃບກວ້າງ 2.5-5 ຊມ ແລະ ຍາວ 7-20 ຊມ, ແຜ່ນໃບບາງຄ້າຍຄືເຈ້ຍຫາໜາຄ້ານຄືແຜ່ນໜັງ, ຜິວໃບດ້ານມີຂົນສາກ, ສ່ວນໃບດ້ານລຸ່ມມີຂົນສັ້ນນຸ່ມຂຶ້ນໜາແໜ້ນ. ອອກດອກເປັນຊໍ່ແບບຊໍ່ກະຈຸກຕາມງ່າມໃບ, ກະຈຸກມີດອກປະມານ 1-3 ດອກ, ດອກມີລັກສະນະເປັນຕູມເປັນຮູບໄຂ່ກັບ, ກາບດອກມີ 5 ກາບມີລັກສະນະເປັນຮູບຂອບຂະໜານແກມຮູບໃບຫອກ, ປາຍແຫຼມ, ຜິວດ້ານນອກເປັນສີເຫຼືອງ ແລະ ມີຂົນຂຶ້ນໜາແໜ້ນ, ກາບກີບຈະແຍກອອກຈາກກັນຢ່າງເປັນອິດສະຫຼະ, ສ່ວນກີບດອກມີ 5 ກີບແຍກອອກຈາກກັນເຊັ່ນກັນ, ກີບດອກຈະເປັນສີເຫຼືອງສົດມີຈຸດສີສົ້ມແກມນໍ້າຕານ, ລັກສະນະຂອງກີບດອກເປັນຮູບບ່ວງ, ປາຍມົນ ແລະ ຍັງມີໃບປະດັບຍ່ອຍອີກ 3 ໃບລັກສະນະເປັນຮູບບ່ວງເປັນສີເຫຼືອງອ່ອນ. ໝາກມີລັກສະກົມ, ເປັນຮູບຣີເກືອບກົມ ຫຼື ເປັນຮູບໄຂ່, ມີຄີບເປັນສັນຕາມລວງບາວ 5 ກີບ, ໝາກມີຂະໜາດ 1.5-2 ຊມ ແລະ ຍາວ 1.8-2.5 ຊມ, ໝາກແກ່ຈະບໍ່ແຕກ.

N/A

N/A

N/A

N/A

N/A

ເຄື່ອງນູ່ງຫົ່ມ
ພືດເປັນຢາ

ປະໂຫຍດ:

-    ເສັ້ນໃຍທີ່ໄດ້ຈາກເປືອກຕົ້ນສາມາດນໍາໄປເຮັດເຊືອກທີ່ມີຄຸນນະພາບດີ, ລວມໄປເທິງເຮັດເຄື່ອງຈັກສານ ແລະ ເຄື່ອງໃຊ້ສອຍອີກດ້ວຍ.

ສັບພະຄຸນ:

-    ຢູ່ລາວນໍາໃຊ້ທັງຕົ້ນປໍພານນໍາມາຕົ້ມເປັນຢາຮັກສາພະຍາດບິດ, ແກ້ຖອກທ້ອງ.

N/A

N/A

N/A

N/A

Medthai. 2017. ປໍພານ ສັບພະຄຸນ ແລະ ປະໂຫຍດຂອງຕົ້ນປໍປານ 5 ຂໍ້.
ສົມລານ ສຸດດີ. 2019. ປ່າເຕັງຣັງ: ແມ່ນໍ້າພາຊີ. ສໍານັກງານພັນໄມ້, ກົມອຸທິຍານສັດປ່າ ແລະ ພັນພືດ. ປະເທດໄທ. ໜ້າ 197. ISSN 978-974-286-628-0.
ຖານຂໍ້ມູນສະໝຸນໄພ. 2010. ປໍພານ. ຄະນະເພສັດສາດ, ມະຫາວິທະຍາໄລອຸບົນລາຊະທານີ. ປະເທດໄທ.