Thai: ຊ້າງນ້າວ, ຕານເຫຼືອງ.Eng: Vietnamese mickey mouse plant

Ochna harmandii Lecomte

Ochnaceae

ຕົ້ນຊ້າງນ້າວຈັດເປັນພັນໄມ້ຢືນຕົ້ນ ຫຼື ໄມ້ຟຸ່ມຂະໜາດນ້ອຍ, ມີຄວາມສູງ 3-8 ມ ແລະ ອາດສູງເຖິງ 12 ມ, ກິ່ງກ້ານແຜ່ຂະຫຍາຍອອກ, ລໍາຕົ້ນຄົດງໍ, ເປືອກຕົ້ນເປັນສີນໍ້າຕານເຂັ້ມ, ແຕກເປັນສະເກັດເປັນຮອງເລິກ, ຂະຫຍາຍພັນດ້ວຍການໃຊ້ແກ່ນ, ການຕອນກິ່ງ ແລະ ວິທີປັກຊໍາກິ່ງ. ໃບເປັນໃບດ່ຽວອອກລຽງສະລັບ, ມັກພົບຮຽງເປັນກຸ່ມໆຢູ່ປາຍກິ່ງ: ລັກສະນະຂອງໃບເປັນຮູບຂອບຂະໜານແກມຮູບໄຂ່ກັບ ຫຼື ເປັນຮູບຫອກແກມຮູບໄຂ່ກັບ, ປາຍໃບແຫຼມ, ໃບກວ້າງ 2.5-5.5 ຊມ ແລະ ຍາວ 12-17 ຊມ, ຜິວໃບລຽບ, ໃບແກ່ຈະເປັນສີຂຽວໝົ່ນໆ. ອອກດອກເປັນຊໍ່ແບບກະຈຸກແຍກຂະແໜງໂດຍອອກຕາມງ່າມໃບ ຫຼື ບໍລິເວນໃກ້ປາຍກິ່ງທີ່ບໍ່ມີໃບ, ມັນຈະອອກດອກພ້ອມກັບແຕກໃບໃໝ່, ໃນແຕ່ລະຊໍ່ດອກຈະມີດອກປະມານ 4-8 ດອກ, ດອກມີກາບດອກສີແດງລັກສະນະເປັນຮູບໄຂ່ຫາຮູບໄຂ່ແກມຮູບຂອບຂະໜານ 5 ກີບ, ສ່ວນກີບດອກນັ້ນເປັນສີເຫຼືອງສົດປະມານ 5-8 ກີບ, ກີບດອກມີລັກສະນະເປັນຮູບໄຂ່ກັບ, ປາຍກີບມົນ ຫຼື ກົມ. ໝາກເປັນໝາກສົດ, ແບບຜະໜັງຊັ້ນໃນແຂງ, ໝາກມີລັກສະນະຂ້ອນຂ້າງກົມ, ກວ້າງ 8-9 ມມ ແລະ ຍາວ 1-1.2 ຊມ, ໝາກເປັນສີຂຽວ ເມື່ອແກ່ແລ້ວຈະປ່ຽນເປັນສີດໍາ, ຜິວໝາກມັນ, ໝາກມີກ້ານເກສອນເພດມີຕິດຢູ່ ແລະ ຍັງມີກາບດອກສີແດງສົດທີ່ຈະເລີນຕາມມາຮອງຮັບ, ພາຍໃນໝາກມີແກ່ນ 1 ແກ່ນ.

N/A

N/A

N/A

ມີຄວາມສ່ຽງໜ້ອຍສຸດ

N/A

ພືດເປັນຢາ
ພືດປະດັບ

ປະໂຫຍດ:

    - ໃຊ້ປູກເປັນໄມ້ປະດັບທົ່ວໄປ ດອກມີກິ່ນຫອມຕະຫຼອດທັງມື້.

    - ເປືອກນອກຂອງຕົ້ນນໍາມາບົດໃຫ້ເປັນຜົງຊື່ງຈະມີສີເຫຼືອງເຂັ້ມສົດນໍາມາໃຊ້ທາແກ້ສິວຝ້າ ຫຼື ໃຊ້ທາແທນແປງໄດ້.

ສັບພະຄຸນ:

    - ເປືອກຕົ້ນມີລົດຂົມຊ່ວຍບໍາລຸງຫົວໃຈ.

    - ເນື້ອໄມ້ຊ່ວຍແກ້ໂລຫິດພິການ.

    - ຮາກໃຊ້ຕົ້ມກັບນໍ້າດື່ມເປັນຢາແກ້ເບົາຫວານ.

    - ເນື້ອໄມ້ຊ່ວຍດັບພິດຮ້ອນໃນຮ່າງກາຍ.

    - ແກນໄມ້ໃຊ້ຕົ້ມກັບນໍ້າດື່ມເປັນຢາແກ້ປະດົງ.

    - ເປືອກຕົ້ນໃຊ້ປຸງເປັນຢາຊ່ວຍເຮັດໃຫ້ຈະເລີນອາຫານ.

N/A

N/A

N/A

N/A

Medthai. 2017. ຊ້າງນ້າວ ສັບພະຄຸນ ແລະ ປະໂຫຍດຂອງຕົ້ນຊ້າງນ້າວ 24 ຂໍ້ (ຕານເຫຼືອງ).
ສົມລານ ສຸດດີ. 2019. ປ່າເຕັງຣັງ: ແມ່ນໍ້າພາຊີ. ສໍານັກງານພັນໄມ້, ກົມອຸທິຍານສັດປ່າ ແລະ ພັນພືດ. ປະເທດໄທ. ໜ້າ 159. ISSN 978-974-286-628-0.
Dang Hoang Trang, Dang Van Dong, Bui Huu Chung, Dong Huy Gioi, Tran Dang Khanh. 2018. Identification of Vietnamese Ochna integerrima (Lour.) Merr Species Based on Ribosomal DNA Internal Transcribed Spacer Sequence. International Letters of Natural Sciences. Volume 68. Pages 9-10. ISSN: 2300-9675.