Phakhaolao Species Database

ເລກລຳດັບທີ: 1528

ລະດັບການຮວບຮວມຂໍ້ມູນ: ຂໍ້ມູນລະອຽດ

ປັບປູງຄັ້ງລ່າສຸດ: 2026-07-07

ປາສະລິດ

Snake-skin Gourami

Trichopodus pectoralis Regan, 1910

ສັດ

ປາ

1 / 4

2 / 4

3 / 4

4 / 4

❮ ❯

ການຕັ້ງຊື່, ອະນຸກົມວິຖານ ແລະ ການບັນຍາຍລັກສະນະ

ຊື່ທ້ອງຖີ່ນ

(Snakeskin Gourami)

ອະນຸກົມວິຖານ

ຊື່ສະກຸນ: Osphronemidae

ຊື່ພ້ອງ

Trichogaster pectoralis (Regan, 1910)
Osphronemus saigonensis Borodin, 1930
Trichopodus trichopterus Shafiq, 2014

ຊະນິດໃກ້ຄຽງ

ປາກະເດິດໜໍ້ / Three spot gourami
ປາກະເດີດ/ Moonlight gourami

ບັນຍາຍລັກສະນະທາງພືດສາດ

ປາຊະນິດນີ້ມີຮູບຮ່າງລຳຕົວສັ້ນ ແລະ ເລິດ. ຄີຫຼັງແບ່ງອອກເປັນສອງສ່ວນ ສ່ວນທຳອິດມີໜາມ 7-8 ກ້ານ (ໂຄງສ້າງເປັນໜາມແຂງ) ແລະ ສ່ວນທີ່ສອງມີກ້ານຄີອອ່ນ 10 ຫາ 11 ກ້ານ (ໂຄງສ້າງທີ່ຍືດຍຸນ ແລະ ເປັນປ້ອງ), ຄີກົ້ນມີໜາມ 9 ຫາ 12 ອັນ ແລະ ມີກ້ານຄີອອ່ນ 33 ຫາ 38 ອັນ ຄີຫຼັງມີລັກສະນະເດັ່ນຄື ມີນາມສັ້ນ ແລະ ມີກ້ານຄີອອ່ນຍາວ, ໃນຂະນະທີ່ຄີຫາງຈະວ້ຳເຂົ້າເລັກນ້ອຍ.
ຄີຂ້າງມີລັກສະນະສະເພາະຄື ກ້ານຄີອອ່ນອັນທຳອິດຍາວອອກໄປເປັນໂຄງສ້າງຄ້າຍໜວດທີ່ຢື່ນໄປດ້ານຫຼັງຈົນຮອດຂອບຄີຫາງ. ລຳຕົວມີແຖບສີດຳອ່ຽງພາດຂວາງລຳຕົວ ແຕ່ບາງຄັ້ງອາດເບິ່ງບໍ່ເຫັນຊັດເຈນ, ນອກຈາກນີ້ຍັງມີແຖບສີດຳບໍ່ສະໝ່ໍ່າສະເໝີພາດຈາກຕາໄປຮອດກາງຄີຫາງ.
ສຳຫຼັບເກັດ ແລະລັກສະອື່ນໆມີຄື ມີເກັດ 52 ຫາ 57 ເກັດ ຮຽງຕາມແນວເສັ້ນຂ້າງລຳຕົວ (ອາໄວຍະວະຮັບຄວາມຮູ້ສຶກທີ່ຍາວຕາມຂ້າງລຳຕົວ). ມີຊີ່ເຫງືອກ 66 ຫາ 70 ຊີ່, ນອກຈາກນີ້ຍັງມີຄີເອິກ 9 ຫາ 10 ເສັ້ນ (ກ້ານຄີອ່ອນ).
ຂະໜາດ: 17 ຊມ SL.
ແຫຼ່ງທີ່ມາ: [1], [2]

ນິເວດວິທະຍາ ແລະ ເຂດກະຈາຍພັນ

ເຂດກະຈາຍພັນທົ່ວໂລກ

Native to Cambodia; Malaysia; Singapore; Thailand; Viet Nam. [3]

Global distribution of Trichopodus pectoralis between 1933 to 2026. Source: [4]

ເຂດກະຈາຍພັນໃນລາວ

ເຂດກະຈາຍພັນຕາມພູມສັນຖານ

ແມ່ນ້ຳ ແລະ ລຳທານ, ທະເລສາບ ແລະ ສະນ້ຳ, ໜອງບຶງ ແລະ ດິນຖານຕົມ, ທົ່ງນາ

ພົບປາຊະນິດນີ້ໃນແຫຼ່ງນ້ຳນິ້ງ ຫຼຶ ນໍ້າໄຫຼຊ້າທີ່ມີພືດພັນອຸດົມສົມບູນ [5]. ນອກຈາກນີ້ຍັງພົບໄດ້ໃນພື້ນທີ່ບໍລິເວນນ້ຳ, ໜອງນ້ຳ, ແລະ ພື້ນທີ່ຊຸ່ມນ້ຳ, ບາງຄັ້ງມີການບັນທຶກວ່າພົບໃນແຫຼ່ງນ້ຳໄຫຼ ສາາດປັບຕົວໄດ້ດີກັບແຫຼ່ງນ້ຳທີ່ຖືກກັ້ນ ແລະ ແຫຼ່ງນ້ຳທີ່ມະນຸດສ້າງຂື້ນ, ແຕ່ບໍ່ທົນຕໍ່ສະພາບແວດລ້ອມທີ່ປົນເປື້ອນ [3]. ນອກຈາກນີ້ຍັງພົບໄດ້ໃນແຫຼ່ງນ້ຳຕື້ນ, ນ້ຳນິ້ງ ແລະ ແຫຼ່ງນ້ຳທີ່ມີພືດພັນອຸດົມສົມບູນ ແລະ ອາໄສຢູ່ໃນປ່າທີ່ຖືກນ້ຳທວ້ມໃນພາກໃຕ້ຂອງແມ່ນ້ຳຂອງ ແລະ ຄ່ອຍໆອົບພະຍົບກັບໄປຍັງແມ່ນ້ຳ ແລະ ທະເລສາບໃຫຍ່ເມື່ອນ້ຳຫຼຸດ. [1]

ສະເພາະຖິ່ນໃນລາວ

ຕ່າງຖິ່ນ

ເປັນຊະນິດພັນນຳເຂົ້າໃນຮອງກົງ, ອິນໂດເນເຊຍ ແລະ ລາວ. [3]

ຮຸກຮານ

ບໍ່ຮຸກຮານ

ການອະນຸຮັກ

ສະຖານະພາບການອະນູຮັກ IUCN

ມີຄວາມສ່ຽງໜ້ອຍສຸດ

ຊະນິດພັນ CITES

N/A

ບັນຊີສັດປ່າຂອງລາວ

ບໍ່ຖືກລະບຸໃນບັນຊີປະເພດໃດ

ບັນຊີ NTFP

N/A

ບັນຊີໄມ້

N/A

ປາຊະນິດນີ້ມີການກະຈາຍພັນຢ່າງກວ້າງຂວາງໃນແຫຼ່ງກຳເນີດຕາມທຳມະຊາດ ແລະ ຍັງມີການນຳເຂົ້າເປັນເປັນວົງກວ້າງອີກດ້ວຍ, ເຖິ່ງວ່າປະຊາກອນຈະຫຼຸດລົງເນື່ອງຈາກການສູນເສຍ ແລະ ການເສື່ອມໂຊມຂອງແຫຼ່ງທີ່ຢູ່ອາໄສ ແຕ່ປັດຈຸບັນໄດ້ຮັບການປະເມີນວ່າມີຄວາມສ່ຽງຕ່ຳທີ່ສຸດ. [3]

ການນຳໃຊ້ຂອງມະນຸດ

ປະເພດການນຳໃຊ້

ອາຫານ

ຊີ້ນປາມີຄຸນນະພາບດີສາມາດນຳໄປປີ້ງ ຫຼື ແກງໄດ້, ນິຍົມຈຳນ່າຍແບສົດ, ເປັນປາທີ່ມີຄຸນຄ່າທາງດ້ານເສດຖະກິດສູງ [1]. ປາຊະນິດນີ້ເປັນປາທີ່ນິຍົມບໍລິໂພກກັນຢ່າງແພ່ຫຼາຍທົ່ວພື້ນທີ່ກະຈາຍພັນ, ມີການຫາໂດຍຊາວປະມົງຂະໜາດນ້ອຍຄວບຄູ່ໄປກັບການຫາປາຊະນິດອື່ນໃນທະເລສາບ ແລະ ເປັນທີ່ນິຍົມລ້ຽງໃນໜອງ [3]. ສາມາດພົບເຫັນໄດ້ທົ່ວໄປຕາມຕະຫຼາດປາທົ່ວພູມມິພາກອິນດູຈີນ ໂດຍປົກກະຕິຈະວາງຂາຍແບບສົດ, ຍັງບໍ່ຕາຍ ຫຼື ຕາກແຫ້ງ, ແລະ ມັກຊື້ຂາຍເປັນປາລ້ຽງໃນຕູ້. [5]

ການປູກ ການລ້ຽງ

ຊະນິດທຳມະຊາດ

ລະດູການເກັບກູ້

N/A

ການຕະຫຼາດ ແລະ ຕ່ອງໂສ້ມູນຄ່າ

N/A

ການຄຸ້ມຄອງຈັດການ

ສະພາບໂດຍລວມ:

ອາຫານ: ໂດຍທົ່ວໄປແລ້ວປາຊະນິດນີ້ຈະກິພືດນ້ຳ [1,2] ແລະ ກິນສັດບໍ່ມີກະດູກສັນຫຼັງປະເພດແພຼງຕອນ. [2]

ວົງຈອນຊີວິດ: ຕົວຜູ້ຈະສ້າງຮັງຟອງອາກາດບໍລິເວນຜິວນ້ຳ, ຫຼັງຈາກປະສົມພັນແລ້ວ ມັນຈະໃຊ້ປາກເກັບໄຂ່ ແລະ ນຳເຂົ້າໄປວາງໄວ້ໃນຮັງ, ຕົວຜູ້ຈະເຝົ້າໄຂ່ຈົນກ່ວາຈະຟັກເປັນຕົວ, ຈາກນັ້ນທັງພໍ່ ແລະ ແມ່ຈະຊ່ວຍກັນດູແລລູກອອ່ນ. [1,2]

ການອານຸລັກທີ່ຢູ່ອາໄສ:

ໄພຂົ່ມຂູ່: ມົນລະພິດໃນພ້ນທີ່ຊຸ່ມນ້ຳ, ການພັດທະນາໂຄງສ້າງພື້ນຖານ ແລະ ການຖາງພື້ນທີ່ຊຸ່ມນ້ຳສົ່ງຜົນກະທົບທາງລົບຕໍ່ຊະນິດນີ້. [3]

ການຕິດຕາມປະຊາກອນ: ປະຊາກອນຂອງປາຊະນິດນີ້ມີການຫຼຸດລົງ ຫຼື ສູນພັນໄປໃນພື້ນທີ່ທີ່ມີມົນລະພິດຮຸນແຮງ. [3]

ໂພຊະນາການ

ຄຸນຄ່າທາງໂພຊະນາການ

N/A

ສານອາຫານ	/100g	ໝາຍເຫດ
ໂປຣຕີນ	18.4	N/A
ຄາໂບໄຮເດຣດ	N/A	N/A
ໄຂມັນ	N/A	N/A
ວິຕາມິນ	N/A	Vitamin A 27.7 μg
ແຮ່ທາດ	N/A	Calcium 54.3 mg, Zinc 2.5mg, Iron 1.14 mg
ເສັ້ນໄຍ	N/A	N/A

ອ້າງອິງ

ເຄດິດຮູບພາບ

[1] iNaturalist [Online]. Uploaded on 13 December 2020 by Chien Lee. Available: https://www.inaturalist.org/observations/66511426. [Accessed 6 July 2026].
[2] iNaturalist [Online]. Uploaded in April 2025 by Andaman Kaosung. Available: https://www.inaturalist.org/observations/277036758. [Accessed 6 July 2026].
[3] iNaturalist [Online]. Uploaded on 11 January 2026 by Barron. Available: https://www.inaturalist.org/observations/334337482. [Accessed 6 July 2026].

ອ້າງອິງ

[1]. R. Froese and D. Pauly, Eds., “Trichogaster pectoralis (Snakeskin gourami),” FishBase, World Wide Web electronic publication. Available: https://www.fishbase.se/summary/Trichogaster-pectoralis.html. Accessed: Jul. 6, 2026.
[2] U.S. Fish and Wildlife Service, Snakeskin Gourami (Trichopodus pectoralis): Ecological Risk Screening Summary. Falls Church, VA, USA: U.S. Fish and Wildlife Service, Jun. 2014, revised Dec. 2017, web version Sep. 11, 2019. [Online]. Available: https://www.fws.gov/sites/default/files/documents/Ecological-Risk-Screening-Summary-Snakeskin-Gourami.pdf. Accessed: Jul. 6, 2026.
[3] C. Vidthayanon, “Trichopodus pectoralis,” The IUCN Red List of Threatened Species, vol. 2012, e.T188087A1852593, 2012. [Online]. Available: https://www.iucnredlist.org/species/188087/1852593. Accessed: Jul. 6, 2026.
[4] Global Biodiversity Information Facility (GBIF), “Trichopodus pectoralis Regan, 1910,” GBIF Backbone Taxonomy. [Online]. Available: https://www.gbif.org/taxon/58HQR. Accessed: Jul. 6, 2026.
[5] T. Kottelat, Ed., Fishes of the Indochinese Mekong. Tokyo, Japan: Nagao Natural Environment Foundation, 2013. [Online]. Available: https://phakhaolao.la/en/resource/https-www-nagaofoundation-or-jp-e-publication-e-book-mekongfishes-book-index-htmltarget-page_no13/. Accessed: Jul. 6, 2026.

ຜູ້ສ້າງ Factsheet

Duangkhae Keonoy

ຜູ້ກວດສອບ Factsheet