ເລກລຳດັບທີ: 1518
ລະດັບການຮວບຮວມຂໍ້ມູນ: ຂໍ້ມູນພື້ນຖານ
ປັບປູງຄັ້ງລ່າສຸດ: N/A
ຕົ້ນຊະຄໍ້າ
Garuga
Garuga pinnata Roxb.
ພືດ
ໄມ້ຢືນຕົ້ນ
ຕົ້ນໄມ້ ແລະ ປາມ
1 / 1
Image 1
ການຕັ້ງຊື່, ອະນຸກົມວິຖານ ແລະ ການບັນຍາຍລັກສະນະ
ຊື່ທ້ອງຖີ່ນ
Lao: ຊະຄໍ້າ, ຫວີດ. Thai: ຕະຄໍ້າ. Eng: Garuga
ອະນຸກົມວິຖານ
ອານາຈັກ
Plantae
ເຫຼົາ
Tracheophyta
ຊັ້ນ
Magnoliopsida
ອັນດັບ
Sapindales
ຊື່ສະກຸນ
Burseraceae
ສະກຸນ
Garuga
ຊະນິດ
Garuga pinnata
ຊື່ພ້ອງ
Garuga pharhad Buch.-Ham.
Garuga pinnata var. obtusa Engl.
Garuga pinnata var. sikkimensis Engl.
Guaiacum abilo Blanco
ບັນຍາຍລັກສະນະທາງພືດສາດ
ຕົ້ນຊະຄໍ້າຈັດເປັນພັນໄມ້ຢືນຕົ້ນຂະໜາດກາງ, ລໍາຕົ້ນຕັ້ງຊື່, ມີຄວາມສູງ 10-20 ມ, ຕາມກິ່ງອ່ອນ ແລະ ກ້ານຊໍ່ດອກຈະມີຂົນສີເທົາຂຶ້ນປົກຄຸ່ມ ແລະ ມີຮອຍແຜໃບປາກົດຢູ່ຕາມກິ່ງ, ເປືອກຕົ້ນເປັນສີເທົາ ຫຼື ສີນໍ້າຕານປົນເທົາ, ສ່ວນເປືອກດ້ານໃນເປັນສີບົວອ່ອນໆ ແລະ ມີແກນສີນໍ້າຕານແດງ. ໃບເປັນໃບປະສົມແແບບຂົນນົກປາຍຄີ່ອອກລຽງສະລັບເປັນກະຈຸກບໍລິເວນປາຍກິ່ງ, ກ້ານຊໍ່ໜຶ່ງຈະມີໃບຍ່ອຍປະມານ 7-13 ໃບອອກລຽງກົງກັນຂ້າມກັນ, ໃບມີລັກສະນະເປັນຮູບມົນຮີ ຫຼື ກົມຮີແກມຂອບຂະໜານ, ປາຍໃບສອບ ຫຼື ແຂ້ວເປັນຕິ່ງແຫຼມ, ໃບກວ້າງ 2-4 ຊມ ແລະ ຍາວ 3-10 ຊມ, ແຜ່ນໃບເປັນສີຂຽວ ໃບອ່ອນມີຂົນຂຶ້ນປົກຄຸມ, ສ່ວນໃບແກ່ຈະກ້ຽງ ຫຼື ເກືອບກ້ຽງ. ອອກດອກເປັນຊໍ່ໃຫຍ່ບໍລິເວນປາຍກິ່ງ ຫຼື ສ່ວນຍອດຂອງຕົ້ນ, ຊໍ່ດອກຍາວປະມານ 6 ນິ້ວ, ດອກມີຈໍານວນຫຼາຍເປັນດອກສົມບູນ, ລັກສະນະຂອງດອກເປັນຮູບຣະຄັງ, ກີບຮອງກີບດອກເຊື່ອມຕິດກັນເປັນຮູບຖ້ວຍ, ປາຍແຍກເປັນ 5 ແຊກ, ຖານຮອງກີບດອກເປັນຮູບສາມຫຼ່ຽມ, ສ່ວນກີບດອກເປັນສີຄີມ, ສີເຫຼືອງ, ສີເຫຼືອງອ່ອນ ຫຼື ສີບົວ ມີ 5 ກີບ ອອກລຽງສະລັບກັບກາບດອກ, ດອກມີກິ່ນຫອມອ່ອນໆ. ໝາກເປັນໝາກສົດ, ລັກສະນະຂອງໝາກເປັນເປັນຮູບກົມ, ອວບນໍ້າ, ຢູ່ພາຍໃນໝາກມີແກ່ນສີຂຽວອົມເຫຼືອງ, ເມື່ອແກ່ຈະປ່ຽນເປັນສີດໍາ.
ນິເວດວິທະຍາ ແລະ ເຂດກະຈາຍພັນ
ເຂດກະຈາຍພັນທົ່ວໂລກ
N/A
ເຂດກະຈາຍພັນໃນລາວ
ເຂດພູສູງພາກເໜືອຂອງລາວ, ເຂດສາຍພູຫຼວງພາກເໜືອ
ເຂດກະຈາຍພັນໃນລາວ
ເຂດກະຈາຍພັນຕາມພູມສັນຖານ
ສະເພາະຖິ່ນໃນລາວ
N/A
ຮຸກຮານ
N/A
ການອະນຸຮັກ
ສະຖານະພາບການອະນູຮັກ IUCN
N/A
ຊະນິດພັນ CITES
N/A
ບັນຊີສັດປ່າຂອງລາວ
N/A
ບັນຊີ NTFP
N/A
ບັນຊີໄມ້
ບັນຊີ III (ຍືນຍົງ / ທົ່ວໄປ)
ການນຳໃຊ້ຂອງມະນຸດ
ປະເພດການນຳໃຊ້
ອາຫານ, ພືດເປັນຢາ, ສິ່ງປູກສ້າງ

ປະໂຫຍດ:
- ໝາກສຸກໃຊ້ຮັບປະທານໄດ້.
- ໃບໃຊ້ມັດເສົາຫຼັກຂອງເຮືອນເພື່ອຄວາມເປັນສິລິມົງຄຸນໃນການຊ່ວຍຄໍ້າຊູ.
- ໝາກໃຊ້ຍ້ອມຕອກໃຫ້ເປັນສີດໍາ.
- ເນື້ອໄມ້ສາມາດນໍາໄປສ້າງເຮືອນ, ເຮັດເຄື່ອງຕົກແຕ່ງເຮືອນ, ເຄື່ອງເຮືອນ ແລະ ອື່ນໆ.
ສັບພະຄຸນ:
- ໝາກຊະຄໍ້າມີສັບພະຄຸນເປັນຢາບໍາລຸງທາດຫຼື ບໍາລຸງກະເພາະອາຫານ.
- ຕົ້ນສົດນໍາມາຄັ້ນເອົານໍ້າໃຊ້ຢອດຕາ ແກ້ຕາມົວເນື່ອງຈາກເຍື່ອຕາອັກເສບ.
- ເປືອກຕົ້ນນໍາມາຝົນກັບນໍ້າຮ່ວມກັບເປືອກຕົ້ນໝາກອກ ແລະ ຄໍ້ສົ້ມ ໃຊ້ດື່ມເປັນຢາແກ້ອາການເຈັບທ້ອງ.
- ເປືອກຕົ້ນໃຊ້ເປັນຢາພາຍນອກເປັນຢາທາຫ້າມເລືອດ.

ການປູກ ການລ້ຽງ
N/A
ລະດູການເກັບກູ້
N/A
ການຕະຫຼາດ ແລະ ຕ່ອງໂສ້ມູນຄ່າ
N/A
ການຄຸ້ມຄອງຈັດການ
N/A
ໂພຊະນາການ
ຄຸນຄ່າທາງໂພຊະນາການ
N/A
ສານອາຫານ /100g ໝາຍເຫດ
ໂປຣຕີນ N/A N/A
ຄາໂບໄຮເດຣດ N/A N/A
ໄຂມັນ N/A N/A
ວິຕາມິນ N/A N/A
ແຮ່ທາດ N/A N/A
ເສັ້ນໄຍ N/A N/A
ອ້າງອິງ
ເຄດິດຮູບພາບ
ອ້າງອິງ
Medthai. 2017. ຕະຄໍ້າ ສັບພະຄຸນ ແລະ ປະໂຫຍດຂອງຕົ້ນຕະຄໍ້າ 16 ຂໍ້.
ສົມລານ ສຸດດີ. 2019. ປ່າເຕັງຣັງ: ແມ່ນໍ້າພາຊີ. ສໍານັກງານພັນໄມ້, ກົມອຸທິຍານສັດປ່າ ແລະ ພັນພືດ. ປະເທດໄທ. ໜ້າ 55. ISSN 978-974-286-628-0.
V.Chitra, Sourabh Das M.Madhuri, V.Rajalakshmi. 2013. Evaluation Of Antiulcer Activity Of Alcoholic Extract Of Garuga pinnata Roxb. Leaves In Experimental Animal Models. International Journal of PharmTech Research. Volume 5. Pages 991-1000. ISSN 0974-4304.
Mst. Taslima Khatun, M. Mahboob Ali Siddiqi, Al-Mansur M. A, M. H. Sohrab, A. F. M. Mustafizur Rahman. 2013. New Diarylheptanoid from Garuga pinnata Roxb. Dhaka Univ, J, Sci. pages 131-134.
Kulsum ARA, Mohammad A. KAISAR, Mohammad S. RAHMAN, Sharmin R. CHOWDHURY, Farhana ISLAM and Mohammad A. RASHID. 2012. Antimicrobial Constituents from Garuga pinnata Roxb. Latin American Journal of Pharmacy. Pages 1071-1073. ISSN 0326-2383.
Annie Shirwaikar, K. Rajendran and Rakesh Barik. 2016. Effect of aqueous bark extract of Garuga pinnata Roxb. in streptozotocin-nicotinamide induced type-II diabetes mellitus. Journal of Ethnopharmacology. Volume 107. Pages 185-290.
ຜູ້ສ້າງ Factsheet
N/A
ຜູ້ກວດສອບ Factsheet
,