ລຳຕົວມີຮູບຮ່າງຍາວ. ມີລັກສະນະເປັນແຖບແນວຕັ້ງຈາງໆ 9 ຫາ 12 ແຖບ, ໂດຍມີຈຸດຂະໜາດຕ່າງໆຮຽງເປັນແຖວຕາມແນວຍາວທັບຊ້ອນກັນ, ສ່ວນຫົວ ແລະ ສ່ວໜ້າດ້ານເທິງຂອງລຳຕົວມີລາຍເສັ້ນຕາມຄວາມຍາວຫຼາຍເສັ້ນ. ຄີຫຼັງມີຂອບສີດຳ ແລະ ມີຈຸດຮຽງເປັນແຖວແນວຕັ້ງຫຼາຍແຖວ, ຄີຫຼັງມີກ້ານຄີແຕກຂະແໜ່ງ 9 ກ້ານ, ກະດູກສັນຫຼັງ ethmoid ຕັ້ງຊື່ ແຕ່ບໍ່ຕັ້ງສາກກັບກະດູກເມື່ອງເບິ່ງຈາກດ້ານເທິງ, ນອກຈາກນີ້ປາຊິນິດນີ້ຍັງມີເຫງືອກຂະໜາດນ້ອຍ ແລະ ຮິມຝີປາກດ້ານລຸ່ມບໍ່ມີປຸ່ມນູນ.
ຂະໜາດ: 11.5 ຊມ SL.
ແຫຼ່ງທີ່ມາ: [1], [2]

ອາຫານ ແລະ ລ້ຽງປະດັບ: ປາມັນໝູລາຍເສືອພົບເຫັນເປັນບາງຄັ້ງໃນຕະຫຼາດປາ ແລະ ມີການຊື້ຂາຍໃນອຸດສາຫະກຳຕູ້ປາສວຍງາມ. [3]

ບໍ່ມີການເພາະລ້ຽງໃດໆ ຈຶ່ງສັນນິຖານວ່າເປັນການຈັບຈາກທຳມະຊາດ 100%. [3]

N/A

ສະພາບໂດຍລວມ:

ຄວາມແຕກຕ່າງທາງເພດ: ໂດຍທົ່ວໄປແລ້ວປາແມ່ທີ່ໂຕເຕັມໄວຈະແຂງແຮງກ່ວາຕົວຜູ້ ແລະ ອາດມີຂະໜາດໃຫຍ່, ລັກສະນະເດັ່ນອື່ນໆ ຍັງບໍ່ໄດ້ຮັບການບັນທຶກໄວ້. [5]

ອາຫານ: ພວກມັນເປັນສັດກິນຊີ້ນເປັນຫຼັກ ແລະ ບໍ່ເລືອກກິນ, ເຖິ່ງວ່າຈະກິນຊີ້ເປັນຫຼັກ ແຕ່ພວກມັນກໍ່ຈະກິນພືດເປັນອາຫານອີກດ້ວຍຫາກມີໃຫ້ເລືອກ ບາງຄັ້ງອາດລວມທັງພືດນ້ຳ. [5]

ການອານຸລັກທີ່ຢູ່ອາໄສ:

ໄພຂົ່ມຂູ່: ໄພຂົ່ມຂູ່ທີ່ສຳຄັນຕໍ່ສາຍພັນນີ້ຄືການຫາປາຈາກທຳມະຊາດເພື່ອການຄ້າຕູ້ປາສວຍງາມ ແລະ ໃນລະດັບທີ່ໜ້ອຍກ່ວາຄື ເພື່ອການບໍລິໂພກຂອງມະນຸດ, ຍັງມີການລາຍງານວ່າມີລະດັບມົນລະພິດສູງໃນແມ່ນ້ຳຂອງ ເນື່ອງຈາກສາຍພັນນີ້ບໍ່ທົນຕໍ່ລະດັບໄນໂຕເຈັນ ດັງນັ້ນສາຍພັນນີ້ຈຶ່ງຫາຍໄປຢ່າງໄວຈາກພື້ນທີ່ທີ່ມີການເພາະປູກ, ນອກຈາກນີ້ເຂື່ອນຂະໜາດໃຫຍ່ຈຳນວນຫຼາຍ ແລະ ໂຄງການຜັນປ່ຽນນ້ຳອື່ນໆ ໃນເຂດການກະຈາຍພັນຂອງສຍພັນນີ້ຍັງກໍ່ໃຫ້ເກີດຄວາມສ່ຽງເພີ່ມເຕີມໃນທັງແມ່ນ້ຳເຈົ້າພະຍາ ແລະ ແມ່ນ້ຳຂອງ, ກາານພັດທະນາເຫຼົ່ານີ້ປ່ຽນແປງລະບົບນິເວດນ້ຳຈືດໂດຍການລົບກວນວັດນະຈັກທາງອຸທົກວິທະຍາ ແລະ ປ່ຽນແປງຮູບແບບການຕົກຕະກອນລວມທັງລະດັບອອັກຊີເຈນທີ່ລະລາຍ. [3]

ການຕິດຕາມປະຊາກອນ:
ຄາດວ່າປະຊາກອນຈະຫຼຸດລົງ ເຖິ່ງວ່າຈະບໍ່ຮູ້ຕົວເລກໂດຍລະອຽດກໍ່ຕາມ, ຄາດວ່າຈຳນວນປະຊາກອນຫຼຸດລົງປະມານ 20 ຫາ 29% ໃນຊ່ວງ 10 ປີທີ່ຜ່ານມາ. [3]

Duangkhae Keonoy

,