ເຄືອຄາຍເຂົ້າຈັດໄມ້ເຄືອເນື້ອແຂງ, ມີຂະໜາດໃຫຍ່, ແຕກກິ່ງງ່າເປັນຊົງຟຸ່ມ, ເລືອຕາມຕົ້ນໄມ້ອື່ນ, ຍາວ 30 ມ, ຍອດອ່ອນມີຂົນສີນໍ້າຕານອ່ອນປົນສີເຫຼືອງ. ໃບດ່ຽວອອກລຽງສະຫຼັບກັັນ, ແຜ່ນໃບຮູບຮີແກມໄຂ່ກັບ, ກວ້າງ 5-10 ຊມ ແລະ ຍາວ 12-25 ຊມ, ແຜ່ນໃບມີຂົນທັ້ງສອງດ້ານ, ດ້ານເທິງຈະເປັນສີຂຽວເຂັ້ມເປັນມັນ, ສ່ວນດ້ານລຸ່ມໃບຈະເປັນສີຂຽວນວນ. ດອກເປັນດອກດ່ຽວ, ເກີດຢູ່ປາຍກິ່ງ ແລະ ຕາມກິ່ງ, ອອກກົງກັນຂ້າມ, ດອກເປັນສີແດງສົດ. ຈະສົ່ງກິ່ນຫອມອ່ອນໆໃນຊ່ວງຕອນຄາຍແລງ ແລະ ກາງຄືນ, ມີນໍ້າຫວານຈໍານວນຫຼາຍອ້ອມຖານດອກ, ກີບດອກມີ 6 ກີບ, ອອກລຽງສະຫຼັບກັນ 2 ຊັ້ນ ຊັ້ນລະ 3 ກີບ, ກີບດອກເປັນສີແດງສົດ ຫຼື ສີແດງເລືອດນົກ, ກົກກີບດອກເປັນສີເຫຼືອງອ່ອນ, ກີບດອກຄ່ອນຂ້າງໜາ, ສ່ວນກີບດອກມີ 3 ກີບ ສີຂຽວອົມເຫຼືອງ, ກີບລ້ຽງຂ້ອນຂ້າງບາງ, ຜິວດ້ານໃນກ້ຽງສ່ວນຜິວດ້ານນອກມີຂົນສັ້ນ. ອອກໝາກເປັນກຸ່ມ, ແຕ່ລະກຸ່ມມີໝາກຍ່ອຍຈໍານວນຫຼາຍປະມານ 6-15 ໝາກ, ກ້ານຊໍ່ 4-6 ຊມ, ໝາກອ່ອນເປັນສີຂຽວ ສ່ວນໝາກສຸກເປັນສີເຫຼືອງປົນສົ້ມ, ມີລົດຫວານສົ້ມໃຊ້ຮັບປະທານໄດ້, ພາຍໃນໝາກມີແກ່ນຫຼາຍ.

ປະໂຫຍດ:
- ໝາກສຸກເປັນສີເຫຼືອງອົມສົ້ມ ມີກິ່ນຫອມ ແລະ ມີລົດຫວານສົ້ມ ໃຊ້ຮັບປະທານໄດ້.
- ເຄືອນໍາມາໃຊ້ປະໂຫຍດແທນຫວາຍ.
- ເຄືອປໍຟານເປັນພັນໄມ້ທີ່ໃຫ້ດອກງາມສາມາດປູກເປັນໄມ້ເລື້ອປະດັບໄດ້.
ສັບພະຄຸນ:
- ໃບ ແລະ ຮາກ ນໍາມາຕົ້ມກັບນໍ້າກິນເປັນຢາບໍາບັດອາການເຈັບທ້ອງ.
- ໃບນໍາມາຕົ້ມກັບເຂົ້າກິນເປັນຢາບັນເທົາອາການທ້ອງເຟີໄດ້.

N/A

N/A

N/A

,