Lao: ກົກແຫນ, ແຫງນ Thai: ສະມໍພິເພກ Eng: Beleric Myrobalan, Ink Not, Bahera, Beleric

Myrobalanus laurinoides (Teijsm. & Binn.) Kuntze
Terminalia bellirica var. laurinoides (Teijsm. & Binn.) C.B. Clarke

Combretaceae

ຕົ້ນກົກແຫນເປັນຕົ້ນໄມ້ຢືນຕົ້ນຂະໜາດໃຫຍ່, ສູງ 15-35 ມ, ລໍາຕົ້ນຕັ້ງຊື່, ກົກຕົ້ນມັກຂຶ້ນເປັນພູພອນ, ເປືອກເປັນສີເທົາອົມນໍ້າຕານ ຫຼື ເປັນສີດໍາໆດ່າງໆ, ເປືອກດ້ານໃນເປັນສີເຫຼືອງ. ໃບດ່ຽວຈັບວຽນສະຫຼັບເປັນກຸ່ມຕາມປາຍກິ່ງ, ແຜ່ນໃບຮູບຮີແກມຮູບໄຂ່ກັບ, ກວ້າງ 9-15 ຊມ ແລະ ຍາວ 13-19 ຊມ, ເນື້ອໃບຂ້ອນຂ້າງໜາ ແລະ ດ້ານລຸ່ມສີຂຽວຈາງ ຫຼື ສີເທົາມີຂົນນຸ່ມໆ. ດອກເປັນຊໍ່ດ່ຽວໆແບບຫາງກະຮອກ, ຕາມງ່າມໃບ ຫຼື ຮອຍແຜໃບຕາມກິ່ງ, ປາຍຊໍ່ດອກຈະຫ້ອຍຍ້ອຍລົງມາ, ຍາວ 10-15 ຊມ, ດອກຈະມີຂະໜາດນ້ອຍ, ສີຂາວອົມເຫຼືອງ, ກີບດອກຈະມີ 5 ກີບ, ຖານກີບເຊື່ອມຕິດກັນເປັນຮູບຖ້ວຍນ້ອຍໆ ແລະ ທັງໝົດມີຂົນຢູ່ທົ່ວໄປ. ໝາກກົມ ຫຼື ກົມຮີ, ຍາວ 1.5-2 ຊມ ແລະ ຍາວ 2.5-3 ຊມ, ມີສັນ 5 ສັນ, ຜິວພາຍນອກປົກຄຸມໄປດ້ວຍຂົນສີນໍ້າຕານ, ໝາອ່ອນມີລົດສົ້ມ, ສ່ວນໝາກແກ່ຈະມີລົດສົ້ມຝາດຫວານ, ພາຍໃນໝາກຈະມີແກ່ນແຂງ.

N/A

N/A

N/A

N/A

N/A

ອາຫານ
ພືດເປັນຢາ

ປະໂຫຍດ:
-  ແກ່ນສາມາດນໍາມາທຸບກິນທາງໃນໄດ້.
-  ນອກຈາກໝາກຈະສາມາດຮັບປະທານໄດ້ແລ້ວ ຍັງສາມາດນໍາມາໃຊ້ເປັນຍ້ອມສີຜ້າໂດຍຈະອອກເປັນສີຂີ້ມ້າ, ສ່ວນເປືອກຕົ້ນຈະໃຫ້ສີເຫຼືອງ ແລະ ຍັງໃຊ້ຟອກໜັງ, ເຮັດນໍ້າໝືກໄດ້ອີກດ້ວຍ.
ສັບພະຄຸນ:
-  ໝາກແຫ້ງໃຊ້ເປັນຢາບໍາລຸງຮ່າງກາຍ.
-  ໝາກສຸກໃຊ້ເປັນຢາຈະເລີນອາຫານ, ຊ່ວຍກະຕຸ້ນການຫຼັ່ງນໍ້າບີ, ຊ່ວຍເຮັດໃຫ້ລະບົບຍ່ອຍອາຫານເຮັດວຽກໄດ້ດີຂຶ້ນ.
-  ໝາກອ່ອນມີລົດສົ້ມຊ່ວຍແກ້ໄຂ້.
-  ເປືອກຕົ້ນມີສັບພະຄຸນຊ່ວຍຂັບປັດສະວະ ໂດຍໃຊ້ເປືອກຕົ້ນນໍາມາຕົ້ມກັບນໍ້າຮັບປະທານ.
-  ໃບຊ່ວຍຮັກສາບາດແຜ, ແຜຕິດເຊື້ອ ໂດຍໃຊ້ໃບສົດນໍາມາຕໍາແລ້ວນໍາມາພອກຮັກສາແຜ.

N/A

N/A

N/A

N/A

Medthai. 2017. ສະມໍພິເພກ ແລະ ປະໂຫຍຂອງຕົ້ນສະມໍພິເພກ 29 ຂໍ້.
Miori Tanaka, Yoshimi Kishimoto, Mizuho Sasaki, Akari Sato, Tomoyasu Kamiya, Kazuo Kondo,and Kaoruko Iida. 2018. Terminalia bellirica (Gaertn.) Roxb. Extract and Gallic Acid Attenuate LPS-Induced Inflammation and Oxidative Stress via MAPK/NF-κB and Akt/AMPK/Nrf2 Pathways. Oxidative Medicine and Cellular Longevity. Pages 15.
Jyotish Katare, Mohnish Pichhode, Kumar Nikhil. 2015. GROWTH OF TERMINALIA BELLIRICA [(GAERTN.) ROXB.] ON THE MALANJKHAND COPPER MINE OVERBURDEN DUMP SPOIL MATERIAL. International Journal of Research -GRANTHAALAYAH. Volume 3. ISSN 2350-0530.
R. S. BALI, D. S. CHAUHAN and N. P. TODARIA. 2013. Effect of growing media, nursery beds and containers on seed germination and seedling establishment of Terminalia bellirica (Gaertn.) Roxb., a multipurpose tree. International Society for Tropical Ecology. Pages 59-66.
Aji Abraham, Lizzy Mathew and Sarala Samuel. 2014. Pharmacognostic studies of the fruits of Terminalia bellirica (Gaertn.) Roxb. Journal of Pharmacognosy and Phytochemistry. Pages 45-52.
KuriakoseJayeshLal, RaisaHelen, A.Vysakh, EldhoseBinil, M.S.Latha. 2017. In vivo toxicity evaluation of aqueous acetone extract of Terminalia bellirica(Gaertn.) Roxb. Fruit. Regulatory Toxicology and Pharmacology. Volume 86. Pages 349-355.