Lao: ນໍ້າເຕົ້າແລ້ງ, ເຕົ້ານ້ອຍ Thai: ກຶງກ່ອມ Eng: Corky debbar tree

Uvaria suberosa Roxb.

Annonaceae

ຕົ້ນນໍ້າເຕົ້າແລ້ງຈັດເປັນໄມ້ຟຸ່ມ, ສູງ 2-5 ມ, ແຕກກິ່ງຕໍ່າ, ເປືອກລໍາຕົ້ນເປັນສີນໍ້າຕານອ່ອນ ຫຼື ສີນໍ້າຕານເຂັ້ມ, ຕາມກິ່ງກ້ານມີຊ່ອງລະບາຍອາກາດເປັນຕຸ້ມສີຂາວ ຫຼື ສີເທົາອົມບົວຂະໜາດນ້ອຍ, ຂະຫຍາຍພັນດ້ວຍວິທີການເພາະກ້າຈາກແກ່ນ. ໃບດ່ຽວອອກລຽງສະຫຼັບ, ລັກສະນະຂອງໃບເປັນຮູບຮີ, ຮູບຂອບຂະໜານ ຫຼື ຮູບຫອກແກມຮູບຂອບຂະໜານ, ປາຍໃບເປັນຕິ່ງແຫຼມສັ້ນໆ, ກວ້າງ 1.7-3.5 ຊມ ແລະ ຍາວ 5-10 ຊມ, ໃບລຽບກ້ຽງເປັນມັນທັ້ງສອງດ້ານ, ດ້ານລຸ່ມຈະເປັນສີຂຽວນວນ. ອອກດອກເປັນດອກດ່ຽວໂດຍຈະອອກຕາມກິ່ງ, ອອກກົງກັນຂ້າມ ຫຼື ໃກ້ກັບປາຍຍອດ, ດອກມີກິ່ນຫອມ, ເປັນສີເຫຼືອງຫ້ອຍລົງ, ກາບດອກມີ 3 ກີບ, ຮູບໄຂ່, ດ້ານນອກມີຂົນ, ສ່ວນກີບດອກນັ້ນເປັນສີເຫຼືອງ ຫຼື ສີເຫຼືອງອົມນໍ້າຕານ, ມີ 6 ກີບ, ກີບດອກຈະມີຂະໜາດໃຫຍ່ກວ່າກາບດອກ, ລຽງສະຫຼັບກັນ 2 ຊັ້ນ, ຊັ້ນລະ 3 ກີບ, ກີບດອກຊັ້ນນອກຈະມີ 3 ກີບ, ມີຂະໜາດນ້ອຍສັ້ນກວ່າກີບດອກຊັ້ນໃນ ແລະ ກີບດອກຊັ້ນໃນມີ 3 ກີບ. ໝາກເປັນກຸ່ມມີຈໍານວນຫຼາຍ, 25-35 ໝາກຍ່ອຍຕໍ່ກຸ່ມ, ມີຫຼາຍໝາກຢູ່ເທິງແກນຕຸ້ມກາງ, ກ້ານຊໍ່ຍາວ 2-4 ຊມ, ໝາກຍ່ອຍມີລັກສະນະເປັນຮູບກົມຮີ ຫຼື ກົມ, ໝາກເປັນໝາກສົດ ແລະ ມີເນື້ອ, ຜິວລຽບເປັນມັນ, ໝາກອ່ອນເປັນສີຂຽວ, ເມື່ອສຸກແລ້ວຈະປ່ຽນເປັນສີແດງເຂັ້ມຈົນເຖິງສີມ່ວງດໍາ, ໃນໝາກມີແກ່ນດຽວຕໍ່ໝາກ ຫຼື ບາງໝາກອາດມີ 2 ແກ່ນ.

N/A

N/A

N/A

N/A

N/A

ອາຫານ
ພືດເປັນຢາ

ປະໂຫຍດ:
-  ໃຊ້ປູກເປັນໄມ້ປະດັບໃຫ້ຮົ່ມເງົາທົ່ວໄປ.
-  ຍອດອ່ອນ, ໝາກອ່ອນ ໃຊ້ຮັບປະທານເປັນຜັກສົດ ຫຼື ນໍາໄປຕົ້ມຮັບປະທານຮ່ວມກັບແຈ່ວ.
-  ໝາກສຸກຮັບປະທານໄດ້, ສັດປ່າມັກກິນຫຼາຍ.
ສັບພະຄຸນ:
-  ຮາກ ແລະ ເນື້ອໄມ້ໃຊ້ເປັນຢາແກ້ໄຂ້, ແກ້ຮ້ອນໃນກະຫາຍນໍ້າ.
-  ຮາກ ແລະ ເນື້ອໄມ້ໃຊ້ເປັນຢາຂັບພິດ, ຂັບພິດພາຍໃນ, ແກ້ນໍ້າເຫຼືອງ.
-  ໃບ ແລະ ກິ່ງມີສານ suberosol ທີ່ມີລິດຕ້ານພະຍາດເອດ (HIV) ໃນຫຼອດທົດລອງ.

N/A

N/A

N/A

N/A

Medthai. 2017. ກຶງກ່ອມ ສັບພະຄຸນ ແລະ ປະໂຫຍດຕົ້ນກຶ່ງກ່ອມ 8 ຂໍ້.
Raji Muthuraja, Veeraiyan Nandagopalan, Binu Thomas, Chitrambalam Marimuthu. 2014. AN ETHNO-BOTANICAL SURVEY OF MEDICINAL PLANTS USED BY KOLLI MALAYALIS OF NAMMAKKAL DISTRICT, EASTERN GHATS, TAMIL NADU, INDIA. European Journal of Environmental Ecology. Pages 33-43.
Fengxia Xu, Louis P. Ronse de Craene. 2013. Pollen morphology and ultrastructure of selected species from Annonaceae. Plant Systematics and Evolution. Volume 299. Issue 1. Pages 11-24.
Boontida Moungsrimuangdee, 2016. A Survey of Riparian Species in the Bodhivijjalaya College’s Forest, Srinakharinwirot University, Sa Kaeo. Thai J. Pages 15-29.
Fengxia Xu, Louis Ronse De Craene. 2010. Floral ontogeny of Annonaceae: evidence for high variability in floral form. Annals of Botany. Volume 106. Issue 4. Pages 591–605.
ES Santhosh Kumar, Suchithra G Krishnan, K Murugesan, S Shailajakumari. 2016. Notes on Polyalthia malabarica (Bedd.) I.M. Turner and Polyalthia suberosa (Roxb.) Thwaites (Annonaceae). International Journal of Botany Studies. Volume 1. Issue 4. Pages 27-28. ISSN 2455-541X.