Thai: ຖົ່ວລັນເຕົາ Eng: Sugar pea, Sweet peas, Garden pea, Pea

Lathyrus oleraceus Lam.
Pisum arvense L.
Pisum sativum subsp. arvense (L.) Asch. & Graebn.
Pisum sativum subsp. hortense (Neilr.) Asch. & Graebn.
Pisum sativum subsp. sativum
Pisum sativum var. sativum
Pisum vulgare Jundz.
Pisum vulgare Judz.

Fabaceae

ຖົ່ວລັນເຕົາຈັດເປັນພືດທີ່ເປັນເຄືອ, ຍາວເຖິງ 2 ມ, ເປັນພືດລະດູດຽວ, ລໍາຕົ້ນເລືອ ແລະ ເປັນຫຼ່ຽມ, ສ່ວນຮາກເປັນລະບົບຮາກແກ້ວ, ສາມາດຂຶ້ນໄດ້ໃນດິນເກືອບທຸກຊະນິດໂດຍສະເພາະດິນລ້ວນປົນໜຽວ, ເປັນພືດທີ່ມັກອາກາດເຢັນຈື່ງປູກໄດ້ດີໃນລະດູໜາວ. ໃບສະຫຼັບ, ໃບມີສີຂຽວອ່ອນເຖິງສີຂຽວເຂັ້ມ, ປາຍໃບປ່ຽນເປັນມືເກາະເລື້ອຍ, ບາງສາຍພັນມີສະເພາະມືເກາະ ຫຼື ບາງສາຍພັນກໍ່ອາດມີສະເພາະໃບ. ດອກເປັນດອກແບບສົມບູນເພດ, ປະສົມຕົວເອງ, ດອກມີທັງສີຂາວ ແລະ ມ່ວງ, ແລ້ວແຕ່ສາຍພັນ. ໝາກເປັນຝັກລັກສະນະຄ້າຍຖົ່ວແປບ, ຝັກຍາວຮີມີສີຂຽວສົດ, ພາຍໃນຝັກມີແກນລັກສະນະກົມຂຽວມີຢູ່ປະມານ 2-4 ແກ່ນ.

N/A

N/A

N/A

N/A

N/A

ອາຫານ
ພືດເປັນຢາ

ປະໂຫຍດ: 
-  ຖົ່ວລັນເຕົາມີເສັ້ນໃຍອາຫານຫຼາຍ ຈືງຊ່ວຍໃຫ້ລະບົບຂັບຖ່າຍເຮັດວຽກໄດ້ດີ.
-  ຖົ່ວລັນເຕົານອກຈາກມີເສັ້ນໄຍອາຫານສູງແລ້ວຍັງມີໄຂມັນຕໍ່າ ແລະ ຢູ່ໃນຮູບຂອງໄຂມັນບໍ່ອີ່ມຕົວ, ການຮັບປະທານປະຈໍາຈືງບໍ່ມີຜົນເສຍຕໍ່ຮ່າງກາຍ.
-  ເຮົານິຍົມໃຊ້ຍອດຂອງຕົ້ນຖົ່ວລັນເຕົາມາປຸງແຕ່ງອາຫານ ແລະ ຍັງມີໂປຣຕີນຫຼາຍກວ່າຜັກປະເພດອື່ນໆ.
-  ໃຊ້ແປຮູບເປັນສິນຄ້າ ຫຼື ຜະລິດຕະພັນຕ່າງໆ, ເຮັດເປັນຜັກແຊແຂງ ນໍາໄປຕົ້ມ, ຂົ້ວ ຫຼື ອົບກອບກັບເກືອ.
ສັບພະຄຸນ:
-  ຍອດຂອງຖົ່ວລັນເຕົາມີເບຕາແຄໂຣທີນສູງ ຊື່ງຊ່ວຍບໍາລຸງສາຍຕາ ແລະ ຜິວພັນ.
-  ແກ່ນຊ່ວຍບໍາລຸງໄຂມັນ.
-  ຍອດຖົ່ວລັນເຕົາຊ່ວຍບໍາລຸງກະດູກ ແລະ ແຂ້ວ.
-  ໃຊ້ບໍາບັດພະຍາດເບົາຫວານ ຜູ້ຊ່ວຍເປັນພະຍາດເບົາຫວານຄວນຮັບປະທານຢ່າງເປັນປະຈໍາ, ດ້ວຍການໃຊ້ຝັກອ່ອນສົດນໍາມາລ້າງນໍ້າໃຫ້ສະອາດນໍາໄປຕົ້ມສຸກ ແລ້ວນໍາມາຮັບປະທານ.
ຄໍາແນະນໍາການຮັບປະທານຖົ່ວລັນເຕົາ:
-  ຖົ່ວລັນເຕົາເປັນຖົ່ວທີ່ມີສານພິວຣີນ, ປານກາງ ດັງນັ້ນຜູ້ທີ່ມີກົດຢູຣິກໃນເລືອດສູງຜິດປົກກະຕິຄວນຫຼຸດປະລິມານຮັບປະທານ ເພາະສານພິວຣີນຈະເຮັດໃຫ້ການຂັບຖ່າຍກົດຢູຣິກທາງປັດສະວະຫຼຸດລົງ, ສົ່ງຜົນເຮັດໃຫ້ລະດັບກົດຢູຣິກໃນເລືອດສູງເປັນປັດໄຈສ່ຽງທີ່ຈະເຮັດໃຫ້ເກີດພະຍາດໄຕອັກເສບ, ພະຍາດນິ່ວ ແລະ ພະຍາດເກົາໄດ້.
-  ຖົ່ວລັນເຕົາເປັນພືດທີ່ມັກມີສານປົນປື່ອນ ຫຼື ຢ່າຂ້າແມງໄມປະສົມຢູ່ ດັ່ງນັ້ນກ່ອນນໍາມາປະກອບອາຫານຄວນລ້າງໃຫ້ສະອາດກ່ອນດ້ວຍການນໍາຝັກຖົ່ວມາລ້າງຫຼາຍໆນໍ້າ ແລະ ການລ້າງຜັກທີ່ດີຄວນແຊ່ໄວ້ໃນນໍ້າທີ່ໄຫຼລິນຊັກຊ່ວງເວລາໜື່ງ.

N/A

N/A

N/A

N/A

Medthai. 2017. ຖົ່ວລັນເຕົາ ສັບພະຄຸນ ແລະ ປະໂຫຍດຖົ່ວລັນເຕົາ 28 ຂໍ້.
J. A. Hernández, A. Jiménez, P. Mullineaux, F. Sevilia. 2001. Tolerance of pea (Pisum sativum L.) to long‐term salt stress is associated with induction of antioxidant defences. Plants, Cell and Environment. Volume 23. Issue 8. Pages 853-862.
Vivek Dixit, Vivek Pandey, Radhey Shyam. 2001. Differential antioxidative responses to cadmium in roots and leaves of pea (Pisum sativum L. cv. Azad). Journal of Experimental Botany. Volume 52. Issue 358. Pages 1101–1109.
Ashraf Metwally, Vera I. Safronova, Andrei A. Belimov, Karl-Josef Dietz. 2005. Genotypic variation of the response to cadmium toxicity in Pisum sativum. Journal of Experimental Botany. Volume 56. Issue 409. Pages 167–178.
Chinmayee MOHAPATRA, Ramesh CHAND1, Vinay Kumar SINGH, Anil Kumar SINGH, Chanda KUSHWAHA. 2016. Identification and characterisation of Mlo genes in pea (Pisum sativum L.) vis-à-vis validation of Mlo gene-specific markers. Turkish Journal of Biology. Pages 184-195.
E. Anne Edwards, Stephen Rawsthorne, Philip M. Mullineaux. 1990. Subcellular distribution of multiple forms of glutathione reductase in leaves of pea (Pisum sativum L.). Planta an international jounal of plant Biology. Volume 180. Issue 2. Pages 278-284.