ຕົ້ນກະຈາບນົກຈັດເປັນໄມ້ຟຸ່ມນ້ອຍ ມີຄວາມສູງປະມານ 10-12 ມ, ເສັ້ນຮອບວົງຍາວປະມານ 5.5 ນິ້ວ, ເປືອກຕົ້ນບາງເປັນສີນໍ້າຕານຄີມ, ກະຈາຍພັນດ້ວຍການຕອນກິ່ງ ແລະ ການເພາະແກ່ນ. ໃບເປັນໃບດ່ຽວອອກລຽງກົງກັນຂ້ານກັນ, ລັກສະນະຂອງໃບເປັນຮູບວົງຣີແກມຮູບຂອບຂະໜານ, ປາຍໃບແຫຼມ, ໃບມີຂະໜາດກວ້າງປະມານ 2.5-7 ຊມ ແລະ ຍາວປະມານ 4.5-16 ຊມ, ຜິວໃບດ້ານເທິ່ງເປັນສີຂຽວເຂັ້ມເປັນມັນ, ບໍ່ມີຂົນ. ດອກອອກເປັນຊໍ່ແບບຊໍ່ແຍກຂະແໜງ, ໂດຍຈະອອກຕາມງ່າມໃບ, ສ່ວນຫຼາຍຈະອອກຢູ່ກົກຂອງກິ່ງທີ່ອອກໃໝ່ຍາວປະມານ 3-10.5 ຊມ, ສ່ວນກ້ານດອກຍາວປະມານ 1.3-8 ຊມ, ດອກມີຂະໜາດຫຼາຍ, ກາບດອກມີ 5 ກີບ ລັກສະນະຄືຮູບໄຕ, ສ່ວນກີບດອກມີ 5 ກີບ ສີເຫຼືອງອ່ອນຫາສີເຫຼືອງອົມຂຽວ. ໝາກມີລັກສະນະເປັນຮູບໄຂ່ກັບ ຫຼື ຂ້ອນຂ້າງກົມ ເບິ່ງຄືລະຄັງຂວາມ, ຍາວປະມານ 1 ຊມ, ກົກໝາກຈະນ້ອຍກ່ອນປາຍໝາກ, ປາຍໝາກຫຍັກເວົ້າພູ 5 ພູ, ໝາກອ່ອນເປັນສີຂຽວ ພໍແກ່ຈະເປັນສີບົວ ຫຼື ສີແດງເຂັ້ມ, ເມື່ອໝາກແກ່ຈະແຕກອອກເປັນ 5 ຊີກ, ໂດຍຈະແຕກເຄິ່ງກາງ, ແຕ່ລະຊີກຈະມີແກ່ນ 1 ແກ່ນ. ແກ່ນຈະເປັນສີດໍາ, ມີຂະໜາດນ້ອຍຫຼາຍ, ເປັນມັນ, ມີເຍື້ອສີສົ້ມປົກຄຸມຢູ່ຂົ້ວ.

ປະໂຫຍດ:
- ໃຊ້ເປັນອາຫານສັດສ່ວນເນື້ອໄມ້ໃຊ້ເຮັດເຄື່ອງປະມົງ.
ສັບພະຄຸນ:
- ເປືອກນໍາມາດອງ ຫຼື ແຊ່ໃນເຫຼົ້າໂຮງ ໃຊ້ດື່ມກິນກ່ອນອາຫານ, ເປັນຍາຊ່ວຍຈະເລີນອາຫານ, ຊ່ວຍເຮັດໃຫ້ຮັບປະທານອາຫານໄດ້ຫຼາຍຂຶ້ນ.
- ຢາພຶ້ນບ້ານອີສານຈະໃຊ້ລໍາຕົ້ນກະຈາບນົກ, ເຂົ້າຢາບໍາລຸງເລືອດ ໂດຍນໍາມາຕົ້ມກັບນໍ້າດື່ມ.
- ຮາກກະຈາບນົກໃຊ້ແຊ່ກັບນໍ້າ ຫຼື ຝົນກັບນໍ້າກິນເປັນຢາແກ້ຜິດສໍາແດງ.
- ຮາກໃຊ້ຝົນກັບນໍ້າກິນເປັນຢາແກ້ເມົາເຫັດ.

N/A

N/A

N/A

,