ລຳຕົວມີຮູບຮ່າງຍາວຄ້າຍກະສວຍ, ມີເກັດແນວເສັ້ນຂ້າງລຳຕົວ 45 ຫາ 53 ເກັດ ແລະ ມີກ້ານຄີຫຼັງ 16 ຫາ 18 ກ້ານ, ປາກເຊີດຂື້ນ ແລະ ມີສີລຳຕົວຕັ້ງແຕ່ສີຂຽວອົມເທົາ, ມີຈຸດສີດຳຍາວຕາມແນວຕັ້ງຂະໜາດໃຫຍ່ຢູ່ເທິງຕີເອິກ ແລະ ບາງຄັ້ງອາດເຫັນຈຸດກົມຈາງໆຢູ່ບໍລິເວນໂຄນຫາງ (ສ່ວນແຄບຂອງລຳຕົວໃກ້ຫາງ).
ຂະໜາດ: ຄວາມຍາວສູງສຸດຢູ່ທີ່ 60 ຊມ. (SL)
ແຫຼ່ງທີ່ມາ: [1]

ການໃຊ້ປະໂຫຍດດ້ານອາຫານ: ປາຊະນິດນີ້ມີການບໍລິພວກກັນໃນທ້ອງຖິ່ນເພື່ອເປັນອາຫານ, ເປັນທີ່ນິຍົມໃນບາງພື້ນທີ່ ແລະ ມັກນຳໄປແປຮູບເປັນຜະລິດຕະພັນໝັກດອງ [2]. ໂຕເຕັມໄວມັກຈະຂາຍສົດ ຫຼື ຕາກແຫ້ງ ແລະ ໃສ່ເກືອ, ໃນຂະນະທີ່ປານ້ອຍມັກຈະແປຮູບເປັນປາແດກ. [1]

N/A

ສະພາບໂດຍລວມ:

ພຶດຕິກຳ: ປາຊະນິດນີ້ຈະເຄື່ອນຫຍ້າຍໄປຍັງພື້ນທີ່ນ້ຳທ້ວມຕາມລະດູການ ແລະ ເຄື່ອນຫຍ້າຍກັບແມ່ນ້ຳໃນຊ່ວງເດືອນຕຸລາ. [1]
ອາຫານ: ປາຊະນິດນີ້ກິນເພີຣີໄຟຕອນ ແລະ ພືດໃບ ເຊັ່ນພືດນ້ຳຂະໜາດໃຫຍ່ ແລະ ພືດບົກທີ່ຖືກນ້ຳຖ້ວມເປັນຫຼັກ, ນອກຈາກນນີ້ຍັງກິນໄຟໂຕແພຼງຕອນ, ສາຫຼ່າຍເສັ້ນໄຍ ແລະ ສາຫຼ່າຍເບັນຕິກອີກດ້ວຍ. [1], [2]

ການອານຸລັກທີ່ຢູ່ອາໄສ:

ໄພຂົ່ມຂູ່: ການຫາປາຫຼາຍເກີນໄປໃນແມ່ນ້ຳຂອງ ແລະ ແມ່ນ້ຳເຈົ້າພະຍາຍັງຄົງເປັນໄພຂົ່ມຂູ່ຢ່າງຕໍ່ເນື່ອງ, ແຮງກົດດັນເພີ່ມເຕີມທີ່ອາດກໍ່ໃຫ້ເກີດການເຊື່ອມໂສມຂອງແຫຼ່ງທີ່ຢູ່ອາໄສ ໄດ້ແກ່ ການພັດທະນາໂຄງສ້າງພື້ນຖານ, ການຕັດໄມ້ ແລະ ການເກັບກ່ຽວໄມ້, ກິດຈະກຳທາງກະສິກຳ ເຖິ່ງວ່າຈະມີໄພຂົ່ມຂູ່ເຫຼົ່ານີ້ ແຕ່ກໍຖືວ່າເປັນໄພຂົ່ມຂູ່ສະເພາະຖິ່ນ ແລະ ບໍ່ມີການບັນທຶກໄພຂົ່ມຂູ່ທີ່ສຳຄັນໃນລະດັບກວ້າງ. [2]

ການຕິດຕາມປະຊາກອນ:

ມີການບັນທຶກວ່າປາຊະນິດນີ້ພົບໄດ້ທົ່ວໄປໃນພື້ນທີ່ຕ່າງໆ ທົ່ວເຂດກະຈາຍພັນ ເຖິ່ງວ່າຈະມີປະຊາກອນໜ້ອຍ ຫາ ປານກາງກໍ່ຕາມ, ຂະໜສດປະຊາກອນທັງໝົດຍັງບໍ່ແນ່ນອນ ແຕ່ເຖິ່ງຢ່າງໃດກໍ່ຕາມເມື່ອພິຈາລະນາຈາກການກະຂາຍພັນທີ່ກວ້າງຂວາງ ທົ່ວອາຊີຕາເວັນອອກສ່ຽງໃຕ້ ຄາກວ່າມີຈຳນວນຫຼາຍ ໂດຍຄາດວ່າມີຈຳນວນປະຊາກອນໂຕເຕັມໄວ 1,000,000 ຕົວ, ແນວໂນ້ມປະຊາກອນຄາດວ່າຄົງທີ່. [2]

ການເກັບກູ້ແບບຍືນຍົງ:

ຈຳເປັນຕ້ອງມີການສຶກສາເພີ່ມເຕີມ ເພື່ອກຳນົດຂະໜາດປະຊາກອນ ແລະ ແນວໂນ້ມໃນປັດຈຸບັນ ເພື່ອຢືນຢັນຂອບເຂດກະຈາຍພັນ ແລະ ເພື່ອລະບຸໄພຂົ່ມຂູ່ທີ່ແທ້ຈິງ ແລະ ປະເມີນວ່າສິ່ງເຫຼົ່ານີ້ອາດສົ່ງຜົນກະທົບຕໍ່ຊະນິດແນວໃດ. [2]

ກອນອຸມາ ພົງສາ ແລະ ບຸນທົບ ພະໄຊສົມບັດ

,