ລາວ: ຈີ້ຫຼໍ່ Thai: ພາກກາງເອີ້ນ: จิ้งโกร่ง จิโปม จิ้งหรีดโก่ง จึ้งหรีดหัวโต, ພາກອີສານເອີ້ນ: จิโปม กิหล่อ ແລະ ພາກເໜືອ ເອີ້ນ: จิกุ่ง English: Giant Cricket, Taiwan Giant Cricket, Large Brown Cricket

Gryllus (Acheta) achatinus Stoll, 1813
Liogryllus formosanus Matsumura, 1910
Gryllus (Acheta) fuliginosa Stoll, 1813
Brachytrupes ustulatus Serville, 1838

Gryllidae

ລັກສະນະທົ່ວໄປ: ແມງຈີ່ນາຍ ຫຼື ຈີ່ຫຼໍ່ (ພາກໃຕ້ຂອງລາວ) ເປັນແມງໄມ້ທີ່ຢູ່ໃນຕະກຸນຂອງແມງຈິງຫຼີດ ແຕ່ມີຮ່າງກາຍຂະໜາດໃຫຍ່ ທີ່ສາມາດ ເປັນແມງໄມ້ທີ່ອອກຫາກິນໃນຕອນກາງຄືນ. ຮ່າງກາຍຂອງຈີ່ນາຍແບ່ງອອກເປັນ 3 ສ່ວນຄື: ສ່ວນຫົວ, ສ່ວນເອີກ ແລະ ສ່ວນທ້ອງ. ຂະໜາດຮ່າງກາຍຂະໜາດອ້ວນໃຫຍ່ ຮູບຮ່າງກົມຊົ່ງກະບອກ (ຂະໜາດຮ່າງກາຍຂອງໂຕແມ່ປະມານ 3.7 ຊມ ແລະ ຕົວຜູ້ປະມານ 4.4 ຊມ). ລໍາຕົວເປັນສີນໍ້າຕານອົມເຫຼືອງ. ຕົວແມ່ປີກຈະກ້ຽງ ແລະ ສ່ວນໂຕຜູ້ກົກປີກເປັນຄື້ນຍິກໆ ໂດຍການໃຊ້ຂອບກົກປີກຄູ່ໜ້າທີ່ເປັນຄື້ນຍິກໆໄວ້ສໍາພັດກັນເພື່ອຜະລິດເປັນສຽງໃນການກ້ຽວພາລາສີ. ໜວດຍາວ 1 ຄູ່ ເປັນແບບເສັ້ນດ້າຍກົມ (Filiform). ມີຂາ 3 ຄູ່. ຂາຄູ່ຫຼັງປ້ອງ tibia ຈະປະກອບດ້ວຍໜາມລຽນເປັນແຖວຈໍານວນຫຼາຍ, ສໍາລັບຕົວແມ່ມີອະໄວຍະວະສຳລັບໄວ້ວ່າງໄຂ່ເປັນທໍ່ສັ້ນຢູ່ບໍລິເວນກົ້ນ. ລັກສະນະໜວດ: 1 ຄູ່ ສັ້ນ ເປັນແບບເສັ້ນດ້າຍ (Filiform), ລັກສະນະປາກ: ແບບກັດກິນ  (Chewing type), ລັກສະນະປີກ: ເນື້ອປີກຂ້ອນຂ້າງໜາ 2 ຄູ່, ຄູ່ທໍາອິດຂ້ອນຂ້າງໜາ (Tegmina) ປົກຫຸມປີກຄູ່ຫຼັງ ແລະ ປີກຄູ່ຫຼັງເປັນແຜນບາງໃສ (Membrane), ລັກສະນະຂາ: ມີ 3 ຄູ່ ເປັນແບບໄຕຄານ (Walking legs) ແຕ່ຂາຄູ່ຫຼັງຈະມີຂະໜາດໃຫຍ່ ແລະ ຂາປ້ອງ Femur ມີຂະໜາດໃຫຍ່ແຂງແຮງ, ປ້ອງ Tibia ຍາວ ມີໜາມລຽນກັນເປັນແຖວຈໍານວນຫຼາຍ ໄວ້ສຳລັບກະໂດດ (Jumping leg). ຕາມີລັກສະນະ: ຕາລວມ (Compound eyes) ຂະໜາດໃຫຍ່ 1 ຄູ່ ແລະ ຕາດ່ຽວ (Ocelli). ແຫຼ່ງທີ່ພົບແມງຈີ່ນາຍ: ສາມາດພົບໄດ້ທົ່ວໄປຕາມພື້ນດິນ ໂດຍການຂຸດຮູຢູ່ໃນດິນເຊັ່ນ: ຕາມຄັນນາ, ທົງຫຍ້າ, ເດີນບ້ານ, ຂີ້ຊາຍຕາມແຄມແມ່ນໍ້າ ຊຶ່ງຮູຂອງແມງຈີນາຍຍາວປະມານ 30-60 ຊມ.

N/A

ເຂດລຽບແມ່ນ້ຳຂອງພາກໃຕ້

N/A

N/A

N/A

N/A

ອາຫານ

ພົບໄດ້ທົ່ວທຸກພາກຂອງ ສປປລາວ ທີ່ປະຊາຊົນບັນດາເຜົ່ານິຍົມນໍາມາປຸ່ງແຕ່ງເປັນອາຫານ ທີ່ໃຫ້ສານອາຫານສູງຈຳພວກ ທາດໂປຼຕີນ (Protein), ນິຍົມນຳມາເປັນອາຫານຮັກສາພະຍາດຂາດສານອາຫານ, ນໍາມາລ້ຽງເປັນສິນຄ້າ, ນໍາມາເປັນອາຫານຂອງສັດ. ລາຄາຂາຍຈີ້ນາຍຕາມທ້ອງຕະຫຼາດ 1,000-2,000 ກີບ/ໂຕ. ນຳມາປຸ່ງແຕ່ງເປັນອາຫານໄດ້ຫຼາຍຢ່າງເຊັ່ນ: ແຈ່ວ, ເອາະ, ປົ້ນ ແລະ ອື່ນໆ.

N/A

N/A

N/A

N/A

ກອບສັກດີ ວັນທົງໄຊ (2545).ການສຶກສາຊີວະປະຫວັດຂອງຈີໂປມ. ລາຍງານປະຈຳປີສູນວິໄຈ ແລະ ຄວບຄຸມສັດຕູ້ປ່າໄມ້ທີ່ 1. ຈັດວັດລໍາປາງ, ກົມປ່າໄມ້.
ພັດທະວີ ວິວັດພານິດ. (2542). ແມງໄມ້ໃນອານາຄົດຂອງມະນຸດ. ໂຮງພິມອົງການສົງເຄາະທະຫານຜ່ານເສິກ, ກຸງເທບ. 226 ນ.
ພົງພັດ ສັງເຜືອກ ແລະ ປະພາສີຣິິ ພູວະສະຖຽນ. (2526). ຄຸນຄ່າອາຫານຂອງແຫຼ່ງໂປຣຕີນຂອງຊາວຊົນນະບົດ: ແມງໄມ້. ໂພສະນາການສານ 17(1): 5-12
ສາວິຕຣິ ມາໄລພັນ ພ້ອມດ້ວຍຄະນະ. (2538). ບົດທົດລອງແມງໄມ້ວິທະຍາເບື້ອງຕົ້ນ. ພາກວິຊາຊີວະວິທະຍາ,ຄະນະກະເສດສາດ, ມະຫາວິທະຍາໄລກະເສດສາດ. ກຸງເທບ. ພິມຄັ້ງທີ 2 ພສ. 2542. 266 ນ.
ສຸກໄຊ ພວງສຸວັນ. ການລ້ຽງຈິງຫຼີດພັນທ້ອງແດງລາຍ. ສູນສົ່ງເສີມ ແລະ ພັດທະນາອາຊີບການກະເສດ(ເຜິ້ງ) ຂອນແກ່ນ.
Thailand, Tak, Mae Salit, Monkrating, field recording, 19/9/1989, 25°C (Sony WM-D3 with Universum mono, tape: UX-ES90, tape no. TH1/89:418-448)
Charles A. Triplehorn and Norman F. Johnson. 2005. Borror and delong’s introduction to the STUDY OF INSECTS. 7th edition.
8. Miech, Phalla and Berggren, Åsa and Lindberg, Jan Erik and Chhay, Ty and Khieu, Borin and Jansson, Anna. (2016). Growth and survival of reared Cambodian field crickets (Teleogryllus testaceus) fed weeds, agricultural and food industry by-products. Journal of insects as food and feed. 2:4, 285-292
Dun Wang, Yao-yu Bai, Jiang-hong Li, and Chuan-xi Zhang. (2004). NUTRITIONAL VALUE OF THE FIELD CRICKET (GRYLLUS TESTACEUS WALKER). ENTOMOLOGIA SINICA Vol.11, No.4, December 2004, pp275-70.