ໄທ: ທອງກອງ, ເລົາແລ້ງ, ຫຍ້ໄມ້ກວາດ, ຫຍ້າກາບໃຜ່ ຫວຽດນາມ: ດອດ, ຢອງຈູງຮົວທ່າວ, ໄກແລ, ອອງ ແອງ, ໃສ່ ອັງກິດ: tiger grass, broom grass

Thysanolaena maxima (Roxb.) Kuntze
Agrostis maxima Roxb.
Melica latifolia Roxb. ex Hornem.

Poaceae

ເກີດເປັນສຸມແໜ້ນ, ມີລວງສູງປະມານ 3-4 ແມັດ, ລຳຕົ້ນກົມມີຂົນປົກຄຸມ, ມີໃບໜາ, ແຂງ, ຂອບໃບເປັນແຂ້ວຄົມ, ປາຍໃບແຫຼມ, ກົກໃບມົນ ຫຼື ວໍ້າ ແລະ ແບນອອກ. ກາບໃບກ້ຽງກົມ, ກ້ານໃບເປັນສີແດງເຂ້້ມ, ຄວາມກ້ວາງຂອງໃບປະມານ 4-7 ຊັງຕີແມັດ ແລະ ຍາວປະມານ 25-55 ຊັງຕີແມັດ. ຊໍ່ດອກກ່ອມລົງ ແລະ ຍາວເຖິງ 140 ຊັງຕີແມັດ, ຊໍ່ດອກຍ່ອຍມີກາບ 2 ອັນ, ປາຍດອກຍາວປະມານ 50-60 ຊັງຕີແມັດ, ອອກດອກໃນເດືອນ 10-12. ໝາກເປັນຮູບໄຂ່, ສີນໍ້າຕານແດງ, ຍາວປະມານ 0.4-0.6 ມີລີແມັດ, ເຊິ່ງຈະແກ່ໃນເດືອນ 1-3. ແຂມພັນໃໝ່ທີ່ນຳມາຈາກປະເທດໄທ ປູກຢູ່ແຂວງອຸດົມໄຊມີຂົນຫຼາຍ, ມີລຳເພດຜູ້ ແລະ ລຳເພດແມ່ແຍກກັນ ແຕ່ປະຊາຊົນນິຍົມເກັບລຳເພດແມ່ມາເຮັດຟອຍຫຼາຍກວ່າເພາະມີດອກເປັນພວງໃຫ່ຍ.

N/A

ລຽບແມ່ນ້ຳຂອງພາກເໜືອ

N/A

N/A

N/A

N/A

ອາຫານ
ອຸປະກອນທຳຄວາມສະອາດ
ພືດເປັນຢາ

ດອກແຂມ ມີການເອີ້ນຊື່ທີ່ແຕກຕ່າງກັນຕາມພາສາທ້ອງຖິ່ນຂອງ ສປປ ລາວ ເຊັ່ນ: ແຂມໂຂງ, ຫຍ້າຍູງ, ດອກຄີນ, ບົງກະຈຶ່ງ, ໂຕກາອູ. ແຕ່ປະຊາຊົນສ່ວນຫຼາຍມັກເອີ້ນວ່າ: ແຂມ ຫຼື ດອກແຂມ. ຢູ່ ສປປ ລາວ, ປະຊາຊົນແມ່ນນຳແຂມມາເຮັດເປັນຍູກວາດເຮືອນ ຫຼື ເຮັດເປັນຟອຍທາສີ. ນອກນັ້ນ, ປະຊາຊົນບາງເຂດຍັງໃຊ້ດອກແຂມມາຍັດເປັນເຊື່ອນອນ ແລະຍັດໝອນເພື່ອຮັບໃຊ້ໃນຄອບຄົວ. ປະຊາຊົນໃນຊົນນະບົດມັກເອົາໜໍ່ອ່ອນຂອງຕົ້ນແຂມມາເຜົາກິນເປັນອາຫານ, ໃບແຂມຍັງສາມາດນໍາມາລ້ຽງສັດໄດ້ເຊັ່ນ: ງົວ, ຄວາຍ.  ແຂມ - ເປັນເຄື່ອງປ່າຂອງດົງທີ່ຕິດພັນກັບການການດໍາລົງຊີວິດຂອງປະຊາຊົນໃນເຂດຊົນນະບົດຂອງ ສປປ ລາວ ມາເປັນເວລາດົນນານ ແລະແຂມໄດ້ກາຍເປັນແຫຼ່ງລາຍຮັບໃຫ້ແກ່ຄອບຄົວຂອງຄົນໃນເຂດພູດອຍ ເປັນເວລາດົນນານມາຈົນເຖິງປັດຈຸບັນ. ນອກຈາກຈະນຳແຂມມາຜະລິດເປັນຍູກວາດເພື່ອຂາຍພາຍໃນທ້ອງຖິ່ນ ແລະຕະລາດພາຍໃນແລ້ວ, ແຂມດິບຍັງເປັນເຄື່ອງປ່າຂອງດົງປະເພດໜຶ່ງ ທີ່ມີຄວາມຕ້ອງການຫຼາຍຂອງຕ່າງປະເທດ ໂດຍສະເພາະແມ່ນ: ສປ ຈີນ, ສສ ຫວຽດນາມ ແລະປະເທດໄທ. ປະຊາຊົນຈຳນວນໜຶ່ງຮັກສາແຂມໃນເຂດປ່າເລົ່າຂອງຕົນ ແລະມີບາງຄອບຄົວກໍ່ໄດ້ນຳເອົາແຂມເຂົ້າມາປູກເປັນສວນແຂມເພື່ອສະດວກໃນການເກັບ ແລະຜະລິດແຂມດິບຂາຍເປັນສິນຄ້າ.

N/A

N/A

N/A

N/A

Bisht, N.S.; Ahlawat, S.P. 1998. "Broom Grass". State Forest Research Institute (9): 1–10.
NAFRI, 2007. ເຄື່ອງປ່າຂອງດົງ 100 ສະນິດທີ່ສຳຄັນໃນ ສປປ ລາວ. ສະຖາັບັນຄົ້ນຄ້ວາກະສິກຳ ແລະ ປ່າໄມ້ແຫ່ງຊາດ, ກະຊວງກະສິກຳ ແລະ ປ່າໄມ້

NUDP, 2013. ບົດລາຍງານຕ່ອງໂສ້ການຕະຫຼາດແຂມທີ່ເມືອງຂວາ, ແຂວງຜົ້ງສະລີ. ກົມແຜນການ ແລະ ການຮ່ວມມື, ກະຊວງກະສິກຳ ແລະ ປ່າໄມ້.

Phonephanom, P. 2007. Broom grass planting study: a comparison of different rhizome planting rate in Tha Pho Village, Phonexay District, Luangprabang Province Vientiane, NAFRI: 8.