ລຳຕົວມີລັກສະນະຮຽວຍາວ ທາງຫົວ ແລະ ຫາງ, ບໍລິເວນກາງລຳຕົວກວ້າງ, ສາຍພັນນີ້ມີຈຸດສີດຳຂະໜາດນ້ອຍຈຳນວນຫຼາຍ, ເຊິ່ງບໍລິເວນສ່ວນຫາງຈະຮ່ວມກັນເປັນແຖບອ່ຽງທີ່ບໍ່ສະໝ່ຳສະເໝີໄປຈົນຮອດຄູທະວານ ແລະ ຄີຫາງ. ໃນປາຕອງກາຍຈະມີຈຸດສີດຳທີ່ບໍລິເວນໂຄນຄີເອິກ ຈະເລີມມີໃນລູກປານ້ອຍຂະໜາດ 6 ຊມ ແລະ ຈະມີຕະຫຼອດຊິວິດ.
ຂະໜາດ: 80 ຊມ (ຄາມຍາວແຕ່ຈະງອຍປາກຮອດຫາງ).
ແຫຼ່ງທີ່ມາ: [1]

ອາຫານ: ປາຊະນິດນີ້ນິຍົມບໍລິໂພກໃນທ້ອງຖິ່ນ ແລະ ພົບໄດ້ທົ່ວໄປໃນຕະຫຼາດ ຕັ້ງແຕ່ພາກໃຕ້ຂອງລາວໄປຈົນຮອດ ເມືອງ ກຣະຕີ, ກຳປູເຈຍ. [2]

N/A

ສະພາບໂດຍລວມ
ພຶດຕິກຳ: ມັກແສງສະລົວ ແລະ ທີ່ລົບໄພ ເຊັ່ນ ເສດໄມ້, ຫີນກ້ອນໃຫຍ່ ຫຼື ທໍ່ພຼາສຕິກ. [4]
ການກິນອາຫານ: ເປັນສັດນັກລ່າທີ່ອອກຫາກິນໃນເວລາກາງຄືນ ໂດຍກິນປາຂະໜາດນ້ອຍ, ກຸ້ງ ແລະ ສັດບໍ່ມີກະດູກສັນຫຼັງອື່ນໆໃນທຳມະຊາດ ແຕ່ໂດຍທົ່ວໄປແລ້ວສາມາດປັບຕົວໄດ້ດີກັບແຫຼ່ງອາຫານທີ່ບໍ່ແມ່ນສິ່ງມີຊີວິດໃນທີ່ລ້ຽງ ປານ້ອຍສາມາດກິນຕົວອອ່ນຂອງແມງໄມ້ແຄມຝັ່ງ (ຂີ້ກະເດືອນແດງ) ຂີ້ກະເດືອນດິນຂະໜາດນ້ອຍ, ກຸ້ງສັບ ແລະ ອາຫານທີ່ຄ້າຍກັນ, ໃນຂະນະທີ່ປາໂຕເຕັມໄວ ຈະກິນຊີ້ນປາທີ່ຊ່ອຍເປັນຕ່ອນໄດ້, ກິນກຸ້ງເປັນໂຕ, ຫອຍແມງພູ່, ກຸ້ງທີ່ຍັງມີຊີວິດຢູ່, ຂີ້ກະເດືອນທີ່ມີຂະໜາດໃຫຍ່ ແລະ ອາຫານທີ່ກ່ຽວຂ້ອງ. [4]
ການຂະຫຍາຍພັນ: ໃນທຳມະຊາດຕົວຜູ້ຈະສ້າງຮັງຈາກກິ່ງໄມ້ ແລະ ໃບໄມ້ ແລ້ວຈະຄ່ອຍເຝົ້າດູແລໄຂ່ ແລະ ລູກປາຫຼັງຈາກການວາງໄຂ່ ເຊິ່ງຈະເກີດຂື້ນໃນພື້ນທີ່ປ່າທີ່ຖືກນ້ຳຖ້ວມໃນຊ່ວງລະດູຝົນ. [4]
ສະພາບນ້ຳ:
• ອຸນຫະພູມ: 20-28 ອົງສາ
• ຄ່າຄວາມເປັນກົດດ່າງ 6.0-8.0 pH
• ຄວາມກະດ້າງຂອງນ້ຳ: 36–268 ppm. [4]

ການອານຸລັກທີ່ຢູ່ອາໄສ:
ໄພຂົ່ມຂູ່: ການປ່ຽນແປງຖິ່ນທີ່ຢູ່ອາໄສທີ່ເກີດຈາກການສ້າງເຂື່ອນ ແລະ ການພັດທະນາໂຄງສ້າງພື້ນຖານອື່ນໆ ໃນແມ່ນ້ຳຂອງ ແລະ ແມ່ນນ້ຳສາຂາຂະໜາດໃຫຍ່ກໍ່ໃຫ້ເກີດຄວາມສ່ຽງສູງຕໍ່ປາຊະນິດນີ້ ເຄື່ອນທີ່ມີແຜນສ້າງໃນແມ່ນ້ຳຂອງສາຍຫຼັກເປັນໄພຂົ່ມຂູ່ຖິ່ນທີ່ຢູ່ອາໄສສຳຄັນ, ນອກຈາກນີ້ການຫາປາທີ່ຫຼາຍເກີນໄປ ທັງເພື່ອການຄ້າເພື່ອລ້ຽງໃນຕູ້ປາ ແລະ ການບໍລິໂພກໃນທ້ອງຖິ່ນອາດສົ່ງຜົນກະທົບໃຫ້ປະຊາກອນປາຊະນິດນີ້ຫຼຸດລົງໃນຕໍ່ໜ້າ. [2]

ການຕິດຕາມປະຊາກອນ:
ພົບໄດ້ທົ່ວໄປໃນພື້ນທີ່ທາງຕາເວັນອອກສ່ຽງເໜືອຂອງກຳປູເຈຍ ແລະທາງໃຕ້ຂອງລາວ ພົບໄດ້ໜ້ອຍໃນ້ແມ່ນ້ຳຂອງໄທ. [2]

ການເກັບກູ້ແບບຍືຍຍົງ:
ການຈັດການແຫຼ່ງທີ່ຢູ່ອາໄສ ແລະ ການປະມົງ ໂດຍອາໄສການມີສ່ວນຮ່ວມຂອງຄົນໃນທ້ອງຖິ່ນເປັນສິ່ງສຳຄັນ ແນະນຳໃຫ້ມີການຄວບຄຸມການຄ້າ ແລະ ໂຄຕາການສົ່ງອອກ. [2]

Duangkhae Keonoy

,