Thai: ມະເມົ່າ, ໝາກເມົ່າ, ມະເມົ່າຫຼວງ Eng: Maoberry, Thai Blueberry

Antidesma bunius var. thwaitesianum (Müll.Arg.) Trimen
Antidesma thwaitesianum Müll.Arg.

Phyllanthaceae

ຕົ້ນໝາກເໝົ້າຫຼວງເປັນໄມ້ຢືນຕົ້ນ, ແຕກກິ່ງກ້ານຫຼາຍ, ສູງປະມານ 5-10 ມ, ເມື່ອໃຫຍ່ເຕັມທີ່ຈະມີຂະໜາດເຖິງ 4 ຄົນໂອບ ແລະ ມີເນື້ອໄມ້ແຂງ. ໃບດ່ຽວ, ມີສີຂຽວ, ແຜ່ນໃບລຽບເຫຼື້ອມທັງ 2 ດ້ານ, ໃບອອກໜາແໜ້ນເປັນຮົມເງົາຢ່າງດີ. ດອກມີຂະໜາດນ້ອຍສີຂາວອົມເຫຼືອງ, ອອກດອກເປັນຊໍ່ຍາວຕາມປາຍກິ່ງ ແລະ ຕາມງ່າມໃບ, ຊໍ່ດອກຄ້າຍຄືໝາກພິກໄທ, ດອກແຍກເພດກັນຢູ່ຄົນລະຕົ້ນ, ໂດຍຈະອອກດອກຊ່ວງເດືອນມີນາຮອດເດືອນເມສາ ແລະ ສຸກໃນເດືອນສິງຫາຮອດເດືອນກັນຍາ. ລັກສະນະຂອງໝາກເປັນຊົງກົມ, ໝາກມີຂະໜາດນ້ອຍ ແລະ ເປັນພວງ, ໝາກດິບມີສີຂຽວອ່ອນຫາສີຂຽວເຂັ້ມ ມີລົດສົ້ມ ແຕ່ເມື່ອສຸກແລ້ວຈະປ່ຽນເປັນສີແດງ ແລະ ມ່ວງດໍາ, ໂດຍໝາກສຸກຈະມີລົດຊາດຫວານອົມສົ້ມ.

N/A

N/A

N/A

N/A

N/A

ອາຫານ
ພືດເປັນຢາ

ໝາກເໝົ້າຫຼວງເປັນໝາກໄມ້ທີ່ມີຄຸນຄ່າທາງໂພຊະນາການຫຼາກຫຼາຍ ໂດຍຫໝາກເໝົ້າສຸກຈະມີສານອາຫານທີ່ຈໍາເປັນຕໍ່ຮ່າງກາຍຫຼາຍຊະນິດເຊັ່ນ: ມີກົດອະມິໂນທີ່ຮ່າງກາຍຫຼາຍເຖິງ 18 ຊະນິດ ຈາກທັງໝົດ 20 ຊະນິດ. ນອກຈາກນີ້ຍັງມີແຄລຊຽມ, ທາດເຫຼັກ, ສັງກະສີ ແລະ ວິຕາມິນຕ່າງໆທີ່ເປັນປະໂຫຍດຕໍ່ຮ່າງກາຍ, ຊ່ວຍຕໍ່ຕ້ານອະນຸມູນອິດສະລະໄດ້ຢ່າງດີ ແລະ ມີສັບພະຄຸນເປັນຢາສະໝຸນໄພຮັກສາອາການຕ່າງໆໄດ້ອີກ.
ສັບພະຄຸນຂອງໝາກເໝົ້າຫຼວງ: ໝາກເໝົ້າຫຼວງມີສັກກະຍະພາບໃນການຊ່ວຍກະຕຸ້ນພູມຄຸ້ມກັນ ແລະ ຍັງສາມາດຕ້ານເຊື້ອ HIV ອີກດ້ວຍ, ໝາກສຸກຊ່ວຍບໍາລຸງສາຍຕາ, ຮາກ ແລະ ຕົ້ນ ຊ່ວຍແກ້ ແລະ ບັນເທົາອາການປວດເມືອຍຕາມຮ່າງກາຍ...
ປະໂຫຍດ: ໝາກສຸກສາມາດຮັບປະທານໄດ້ ຫຼື ຈະນໍາໄປຕໍາສົ້ມໄດ້, ຍອດອ່ອນຂອງຕົ້ນໝາກເໝົ້າຫຼວງໃຊ້ຮັບປະທານເປັນຜັກສົດໄດ້, ສາມາດປູກເປັນໄມ້ປະດັບ ຫຼື ປູກເປັນຮົມເງົາໄດ້...

N/A

N/A

N/A

N/A

ອາຫານພື້ນບ້ານລ້ານນາ. 2019. ມະເມົ່າ.ສູນສົນເທດພາກເໜືອ, ສໍານັກຫໍສະໝຸດ ມະຫາວິທະຍາໄລຊຽງໄໝ.
Medthai. 2017. ມະເມົ່າ ສັບພະຄຸນ ແລະ ປະໂຫຍດກອມກໍ້ຫ້ວຍ 29 ຂໍ້.
Thai food. 2017. ມະເມົ່າ. thai-thaifood.com.
Yingngam, B., Monschein, M., Brantner, A.H. 2016. Application of Ultrasonic Assisted Extraction of Bioactive Compounds from the Fruits of Antidesma puncticulatum Miq. and Evaluation of Its Antityrosinase Activity. Chiang Mai J. Sci. Page 518-533.
Govaerts, R., Frodin, D.G. & Radcliffe-Smith, A. 2000. World Checklist and Bibliography of Euphorbiaceae (and Pandaceae) 1-4: 1-1622. The Board of Trustees of the Royal Botanic Gardens, Kew.
Chakrabarty, T. & Balakrishnan, N.P. 2018. Indo-Burmese Phyllanthaceae: A Taxonomic Revision: 1-437. Bishen Singh Mahendra Pal Singh, Dehra Dun.