Eng: Sweet orange, Bigarade, Bilti oranges, Orange, Sevile orange, Sour orange, Surect orange Thai: Som Kieng, Ma Kieng

Rutaceae

N/A

N/A

N/A

N/A

N/A

ອາຫານ
ພືດເປັນຢາ

ຮັກສາອາການທ້ອງຜູກ: ໝາກກ້ຽງເປັນໜື່ງໃນໝາກໄມ້ຮັກສາອາການທ້ອງຜູກໄດ້, ເພາະມີໃຍອາຫານສູງ, ຊ່ວຍໃຫ້ລະບົບອາຫານ ແລະ ການຂັບຖ່າຍໄດ້ສະດວກ ໂດຍກີນໝາກກ້ຽງໝ່ວຍໜື່ງກໍ່ຈະໄດ້ເສັ້ນໃຍອາຫານ 2.0 ກຣາມ.
ກະຕຸ້ນພູມຄຸ້ມກັນຮ່າງກາຍ: ດ້ວຍຄວາມເປັນໝາກໄມ້ທີ່ມີວິຕາມິນຊີສູງ, ຈຶ່ງເຮັດໃຫ້ໝາກກ້ຽງຈັດເປັນໝາກໄມ້ຊ່ວຍກະຕຸ້ນພູມຄຸ້ມກັນຂອງຮ່າງກາຍ, ຊ່ວຍປ້ອງກັນອາການອ່ອນເພ້ຍຂອງຮ່າງກາຍ, ຈົນເຖິງການເຈັບໄຂ້ໄດ້ປ່ວຍອື່ນໆ, ເພາະເມື່ອຮ່າງກາຍມີພູມຄຸ້ມກັນທີ່ແຂງແຮງ ເຮົາກໍ່ຈະບໍ່ເຈັບປ່ວຍໄດ້ງ່າຍ, ເຊື້ອພະຍາດ ແລະ ໄວຣັດຕ່າງໆ ກໍ່ໝົດໂອກາດທີ່ຈະແຊກແຊງໄດ້.

ປັບສົມດູນລະດັບນ້ຳຕານໃນເລືອດ: ນ້ຳຕານຟຣຸກໂຕສໃນເນື້ອໝາກກ້ຽງສົດມີສ່ວນຊ່ວຍໃຫ້ລະດັບນ້ຳຕານໃນເລືອດບໍ່ຂຶ້ນລະດັບສູງໄດ້ເມື່ອຮັບປະທານໝາກກ້ຽງເຂົ້າໄປ ສ່ວນເສັ້ນໃຍອາຫານໃນໝາກກ້ຽງຍັງຊ່ວຍໃຫ້ຮ່າງກາຍຄວບຄຸມລະດັບນ້ຳຕານໃນເລືອດໄດ້ອິກດ້ວຍ.

ຊ່ວຍຫຼຸດຄວາມດັນເລືອດສູງ: ເປັນໝາກໄມ້ທີ່ອຸດົມສົມບູນໄປດ້ວຍໂປແທສຊຽມ ແລະ ຍັງມີປະລິມານໂຊດຽມຄ່ອນຂ້າງຕໍ່າ, ຈຶ່ງຊ່ວຍໃນຂະບວນການໄຫຼວຽນຂອງເລືອດໄດ້ດີ ເຮັດໃຫ້ຮ່າງກາຍຄວບຄຸມຄວາມດັນເລືອດໄດ້ຢ່າງສົມບູນ ແລະ ຍັງຊ່ວຍຫຼຸດຄວາມດັນເລືອດໃນຜູ້ທີ່ເປັນພະຍາດຄວາມດັນເລືອດສູງອິກດ້ວຍ.

ບຳລຸງຫົວໃຈ: ໂປແທສຊຽມໃນເນື້ອໝາກກ້ຽງຄືສ່ວນສຳຄັນທີ່ຊ່ວຍໃຫ້ຫົວໃຈເຮັດວຽກໄດ້ຢ່າງມີປະສິດທິພາບ ນອກຈາກນີ້ຍັງມີວິຕາມິນ ແລະ ແຮ່ທາດຕ່າງໆ ທີ່ດີຕໍ່ການເຮັດວຽກຂອງຫົວໃຈ, ຊ່ວຍໃຫ້ຫົວໃຈເຕ້ັນຖືກຈັງຫວະປົກກະຕິ ແລະ ຊ່ວຍໃນການໄຫຼວຽນຂອງເລືອດໃນເປັນໄປຢ່າງສະດວກ.

ຫຼຸດຄລໍເລສເຕີຣອລໃນເລືອດ: ເນື້ອໝາກກ້ຽງບໍ່ມີຄລໍເລສເຕີຣອລ, ແຕ່ວິຕາມິນ ແລະ ທາດຕ້ານອະນຸມູລອິດສະຫຼະທີ່ມີໃນເນື້ອໝາກກ້ຽງກໍ່ຍັງມີສ່ວນຊ່ວຍຫຼຸດຄລໍເລສເຕີຣອລໃນເລືຶອດໄດ້ ໂດຍທາດຕ້ານອະນຸມູນອິດສະຫຼະຈະເຂົ້າໄປປົກປ້ອງຫຼອດເລືອດເພື່ອບໍ່ໃຫ້ສີ່ງແປກປອມເຂົ້າມາເກາະ ແລະ ຕ້ານການເກີດໄຂມັນ.

ຫຼຸດຄວາມສ່ຽງພະຍາດໜີ້ວໃນໝາກໄຂ່ຫຼັງ: ມີການສຶກສາພົບວ່ານ້ຳໝາກກ້ຽງມີສ່ວນຊ່ວຍໃນການຫຼຸດໜີ້ວໃນໝາກໄຂຫຼັງ ໂດຍໂປແທສຊຽມໃນໝາກກ້ຽງຈະຊ່ວຍຢັບຢັ້ງການເກີດໜິ້ວຕ່າງໆໃນຮ່າງກາຍ ແລະ ຊ່ວຍໃຫ້ໜິ້ວຖືກຂັບຖ່າຍອອກມາພ້ອມຂອງເສີຍ, ຫຼຸດຄວາມສ່ຽງຕໍ່ການເກີດໜິ້ວອິກ.

ຊ່ວຍບຳລຸງຜິວ: ທາດຕ້ານອະນຸມຸນອິດສະຫຼະກັບວິຕາມິນຊີມີສ່ວນຊ່ວຍປົກປ້ອງຈຸລັງຜິວຈາການຖຶກແສງແດດທຳລາຍ, ປົກປ້ອງຜິວຈາກມົນລະຜິດ, ຊ່ວຍຫຼຸດການເກິດລີ້ວຮອຍ ແລະ ຊ່ວຍບໍາລຸງຈຸລັງຜິວໃຫ້ແຂງແຮງ ເຮັດໃຫ້ຜິວຊຸ່ມຊື່ນຕະຫຼອດເວລາ ເນື່ອງຈາກວິຕາມິນຊີເປັນທາດຕັ້ງຕົ້ນຂອງຄອລຈາເຈນນັ້ນເອງ.

ຫຼຸດຄວາມສ່ຽງຕໍ່ພະຍາດຈໍປະສາດຕາເສື່ອມ: ມີງານວິໄຈພົບວ່າ ພຽງກີນໝາກກ້ຽງວັນລະໜ່ວຍກໍ່ມີໂອກາດຊ່ວຍໃຫ້ປ້ອງກັນການເກີດພະຍາດຈໍປະສາດຕາເສຶ່ອມໄດ້.

ປ້ອງກັນພະຍາດມະເຮັງ: ໃນເນື້ອໝາກກ້ຽງມີທາດຕ້ານອະນຸມຸນອິດສະຫຼະປະເພດຟລາໂວນອຍດ໌ ຄ່ອນຂ້າງສູງ ເຊິ່ງທາດດັ່ງກ່າວມີຄຸນນະສົມບັດໃນການຊ່ວຍປ້ອງກັນການເກີດມະເຮັງລຳໄສ້ໃຫຍ່ໄດ້, ເນື້ອໝາກກ້ຽງຍັງອຸດົມໄປດ້ວຍໃຍອາຫານຈະຊ່ວຍຂັບເອົາຂອງເສີຍຕົກຄ້າງຢູ່ໃນລຳໄສ້ອອກມາຈຶ່ງຊ່ວຍຫຼຸດໂອກາດສ່ຽງຕໍ່ເປັນພະຍາດມະເຮັງລຳໄສ້ໃຫຍ່ໄດ້ອິກດ້ວຍ.

ຊວຍປ້ອງກັນສະໜອງຂາດເລຶອດ: ເກີດຈາກຫຼອດເລືອດຕິບ, ແຕກ, ຕັນ ເຊິ່ງການສຶກສາຈາກມູນລະນິທິພະຍາດຫົວໃຈຂອງອາເມລິກາ ພົບວ່າ ການຮັບປະທານໝາກກ້ຽງມີສ່ວນຊ່ວຍຫຼຸດຄວາມສ່ຽງຕໍ່ການເປັນພະຍາດນີ້.

N/A

N/A

N/A

N/A

ໜູພອນ ຄຳສົມພູ ແລະ ດັດສະກອນ ຫົງສີວີໄລ. 2019. ເຕັກນິກການປູກໝາກກ້ຽງ. ສູນຄົ້ນຄວ້າພິດຜັກ ແລະ ໝາກໄມ້ໃຫ້ໝາກ, ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ.
ບຸນມີ ເລົ່າໄຟດ່າງ ແລະ ວິໄລຄິດ ພຸດສະດີ. 2016. ສົ່ງເສີມການປັບປຸງເຕັກນິກການປູກໝາກກ້ຽງພື້ນເມືອງ ໃນ8ບ້ານ ເມືອງ ນໍ້າບາກ. ບົດລາຍງານທ້າຍ ສົກປີໂຄງການຍ່ອຍ, ໂຄງການພັດທະນາລະບົບນິເວດຊີວະນາໆພັນກະສິກຳຢູ່ເຂດພູດອຍ.
Xu, Q., Chen, L.-L., Ruan, X. Chen, D., Zhu, A., Chen, C., Bertrand, D., Jiao, W.-B., Hao, B.-H., Lyon, M.P., Chen, J., Gao, S., Xing, F., Lan, H., Chang, J.-W., Ge, X., Lei, Y.; Hu, Q., Miao, Y., Wang, L., Xiao, S., Biswas, M.K., Zeng, W.,Guo, F., Cao, H., Yang, X., Xu, X.-W., Cheng, Y.-J., Xu, J., Liu, J.-H., Luo, O.J., Tang, Z., Guo, W.-W., Kuang, H., Zhang, H.-Y., Roose, M.L., Nagarajan, N., Deng, X.-X., Ruan, Y. 2013. The draft genome of sweet orange (Citrus sinensis), Nature Genetics, 45 (1): 59–66
Porcher, M.G., Singh, N.D., Lee, S.-B., Jansen, R. K., Daniell, H. 2006. The complete chloroplast genome sequence of Citrus sinensis (L.) Osbeck var 'Ridge Pineapple': Organization and phylogenetic relationships to other angiosperms. BMC Plant Biology. 6: 21.
Porcher M.H.; et al. 1995–2002.,Sorting Citrus Names. Multilingual Multiscript Plant Name Database (M.M.P.N.D) - A Work in Progress, The University of Melbourne, Australia.